Nobel syilyǵynyń úmitkeri, mońǵol aqyny Gombojavyn Mend Ooioo Aziia qalamgerleriniń I forýmynda qurlyqtyń mádeni-rýhani álemin kemeldendirýshi poeziialyq jańa tolqyndy bastaýǵa shaqyrdy, dep habarlaidy "Ult aqparat".
«Adamzat órkenietiniń poeziia teńizinen tergen jaýhary sekildi - «Antologiia» mádenietine Aziianyń da airyqsha usynar jańalyqtary enýi kerek-ti. Áýeli Aziia qurlyǵy elderiniń erekshe iltipatymen «Aziia poeziia antologiiasy» kóp tilge tárjimalanyp shyǵýyna tilektespin, ári qoldaimyn. Bul prozaǵa da ádebiettiń ózge janrlaryna da qatysty sóz. Biz qashanǵa deiin batystyń qabaǵyna qarap, qolyna telmiremiz?
«Batys degen – batys, Shyǵys degen – shyǵys, bir – birine esh qaramaityn tus...» dep R.Kipling (Rediard Kipling) emerýin bildirgen ýaqytta taǵy da sol baiaǵy N.Rerih «Batys pen Shyǵystyń arasyndaǵy qorǵan qulatylsyn» degen-di.
R. Kiplingtiń lepesin «ózara aiyrmashylyq ereksheligine qarai saqtap qalý» dep jaima-shýaqtap, N.Rerihtiń oiyn «bólinip jarylmai, álem ádebietiniń uly arnasyndaǵy ásire batysshyl ústemdikti ózgertý maǵynasynda» túsinýlerińizdi suraimyn. Aziia ádebietin qoldaýǵa qatysty tiimdi tásilder tabý, aitalyq bir beldeýlik qor qurý arqyly tárjima jáne tańdaýly shyǵarmalardy nasihattaý – osy qurlyqtaǵy Elderdiń ókimetteriniń mindeti bolmaq.
Qazaq Eliniń halyqaralyq ádebiet qarym-qatynasyn damytý, qoldaý jolyndaǵy igilikti isterine bek razymyz! Aziianyń mádeni, rýhani, tekti bilikti tańǵajaiyp álemin kemeldendirýshi poeziialyq jańa tolqyndy bastaýǵa shaqyramyn. Sózimniń áýeli bastabyndaǵy «Aziianyń jan tamyry tiri me?» degen N.Rerihtiń saýalyna;
- Iá, solai, Aziianyń júregi soǵyp tur! Aziiany jańǵyrtyp ashýdaǵy rýhani jańa saparymyz Aziianyń ádebiet álemine qarai sherý tartatyn bolady deimin!», - dedi Nobel syilyǵynyń nominananty.
