Mercer halyqaralyq konsalting kompaniiasy syrttan keletin sheteldik mamandar úshin eń qymbat qalalar týraly jylsaiynǵy esebin daiyndady. Biyl syrttan keletin sheteldik mamandar úshin álemniń eń qymbat qalalary reitinginde Túrikmenstan astanasy Ashhabad qalasy kósh bastap tur. Tizimniń tórtinshi ornynda Tokio qalasy, al altynshy ornynda – Shanhai qalasy ornalasqan, dep habarlaidy "Ult aqparat" Human Resources Online resýrsyna silteme jasap.
Mercer halyqaralyq konsalting kompaniiasynyń jyl saiynǵy reitingine búkil álem boiynsha 400-den astam qala kirip otyr.
Reitingti jasaý úshin qalalardaǵy 200-den astam taýar ataýy, sonyń ishinde baspana, kólik, azyq-túlik, kiim-keshek, úige jáne oiyn-saýyqqa arnalǵan taýarlar baǵasy esepke alynady.
Zertteý nátijesi syrttan keletin sheteldik mamandar úshin eń qymbat 10 qalanyń jartysynan kóbi Aziiada ornalasqanyn kórsetti.
Sonymen, 2021 jyly álemdegi eń qymbat 10 qalanyń tizimine kirgender:
Ashhabad, Túrikmenstan;
Gonkong, Qytai;
Beirýt, Livan;
Tokio, Japoniia;
Tsiýrih, Shveitsariia;
Shanhai, Qytai;
Singapýr;
Jeneva, Shveitsariia;
Beijiń, Kytai;
Bern, Shveitsariia;
Shanhai men Beijiń qalalary tiisinshe altynshy jáne toǵyzynshy oryn alyp, byltyrǵy jylmen salystyrǵanda bir saty joǵary kóterilgen.
Singapýr besinshi orynnan jetinshige tómen tústi. Valiýta baǵamynyń aýytqýy men defliatsiia saldarynan Bangkok 11 satyǵa (46-shy oryn) jáne Kýala-Lýmpýr 8 catyǵa (144-shi oryn) siiaqty kórshiles qalalar da reitingte tómen túsken.
Osy arada, Manila tizimde 78-shi orynda, Djakarta – 104-shi orynda, al Hoshimin - 143-shi orynda ornalasqan.
Buǵan deiin úsh jyl qatarynan tizimniń birinshi ornynda turǵan Gonkong qalasy bul joly qazirgi kezde Aziia jáne búkil álemde syrttan keletin sheteldik týrister úshin eń qymbat qala sanalatyn Ashhabadqa oryn berdi.
BBC agenttiginiń AFP-qa silteme jasap habarlaýynsha, buǵan Ashhabadta «eldegi joǵary infliatsiia» sebep bolǵan.
Álemde syrttan keletin sheteldik týrister úshin eń qymbat qalalar «ondyǵyna» kirgen eýropalyq elder arasynda negizinen Shveitsariia qalalary bar: Tsiýrih (5-shi oryn), Jeneva (8-shi oryn) jáne Bern (10-shy oryn).
AQSh-ta eń qymbat qala sanalatyn Niý-Iork 14-orynǵa jaiǵasqan. Odan keiin tizimde Los-Andjeles (20-shi oryn) jáne San-Frantsisko (25-shi oryn) tur.
