Ammanda (Iordaniia) ótip jatqan Aziia chempionatynyń finaldyq jekpe-jeginde qazaqstandyq boksshy Sáken Bibosynov ózbekstandyq qarsylasynan utylyp qaldy, dep habarlaidy QazAqparat agenttigi Sports.kz portalyna silteme jasap.
51 kelige deiingi salmaq dárejesinde baq synaǵan Bibosynov sońǵy aiqasta ózbekstandyq Hasanboi Dýsmatovpen judyryq túiistirdi. Tóreshilerdiń esebinde aiyrmashylyq bolǵanymen, jeńis Ózbekstan boksshysyna berildi. Osylaisha, Sáken kúmis medaldi mise tutty.
Munyń aldynda qazaqstandyq boksshy japoniialyq Tomoia Tsýboimen judyryqtasyp, 5:0 esebimen finalǵa joldama alǵan edi.
Eske salaiyq, otandasymyz 2021 jyly Serbiia astanasy Belgrad qalasynda ótken Álem chempionatynda Dýsmatovty jeńgen bolatyn.
