Túrkistandaǵy «Áziret sultan» mýzeiinde Táýelsizdik kúni qarsańynda tarihi jańalyq boldy. Qoja Ahmet Iasaýi kesenesindegi ortaǵasyrlyq qudyq qaita paidalanýǵa berildi, dep habarlaidy QazAqparat tilshisi.
Aita keteiik, Qoja Ahmet Iasaýi kesenesindegi qudyq HIÚ ǵasyrda qazylǵan. Kesene qurylysy aiaqtalǵan soń «jamaǵathana» bólmesindegi alyp Taiqazanǵa sý toltyrylyp, ziiaratshylarǵa arnaiy tarqatylyp otyrǵany belgili. Qudyq HIH ǵasyrdyń bastapqy shiregine deiin jumys jasaǵan. Al, 1992-1999 jyldar aralyǵynda kesenege júrgizilgen restavratsiialyq jumystarǵa bailanysty qudyq sýy múlde jabylǵan bolatyn.
«2018 jyldyń qazan aiynda Memleket Basshysy N.Á.Nazarbaevtyń Túrkistan qalasyna resmi sapary barysynda Qoja Ahmet Iasaýi kesenesine arnaiy at basyn buryp, ortaǵasyrlyq qudyqty halyq igiligine jaratyp, iske qosý týraly tapsyrma bergeni belgili.Osyǵan orai, qudyq sýyn tazartý jumystary júrgizilip, sýdyń quramy barlyq tiisti saraptamalardan ótip tiisti qujattar daiyndaldy. Qazaqstan Respýblikasynyń Táýelsizdik kúnine orai atalmysh qudyq qaita iske qosylyp, ziiarat etýshiler tarihi qudyqtan shólin sý ishetin bolady», - dedi qoryq-mýzei direktory Nurbolat Ahmetjanov.
Qudyq ainalasy dóńgelene kirpishten qalanǵan, diametri-80 sm. Buryn sý 7-8 metr tereńdikten shyǵatyn bolsa, al qazir jer asty sýlarynyń kóterilýine bailanysty sý 5-6 metr tereńdikten alynady.
