تٷركٸستانداعى «ەزٸرەت سۇلتان» مۋزەيٸندە تەۋەلسٸزدٸك كٷنٸ قارساڭىندا تاريحي جاڭالىق بولدى. قوجا احمەت ياساۋي كەسەنەسٸندەگٸ ورتاعاسىرلىق قۇدىق قايتا پايدالانۋعا بەرٸلدٸ, دەپ حابارلايدى قازاقپارات تٸلشٸسٸ.
ايتا كەتەيٸك, قوجا احمەت ياساۋي كەسەنەسٸندەگٸ قۇدىق حٸٷ عاسىردا قازىلعان. كەسەنە قۇرىلىسى اياقتالعان سوڭ «جاماعاتحانا» بٶلمەسٸندەگٸ الىپ تايقازانعا سۋ تولتىرىلىپ, زيياراتشىلارعا ارنايى تارقاتىلىپ وتىرعانى بەلگٸلٸ. قۇدىق حٸح عاسىردىڭ باستاپقى شيرەگٸنە دەيٸن جۇمىس جاساعان. ال, 1992-1999 جىلدار ارالىعىندا كەسەنەگە جٷرگٸزٸلگەن رەستاۆراتسييالىق جۇمىستارعا بايلانىستى قۇدىق سۋى مٷلدە جابىلعان بولاتىن.
«2018 جىلدىڭ قازان ايىندا مەملەكەت باسشىسى ن.ە.نازارباەۆتىڭ تٷركٸستان قالاسىنا رەسمي ساپارى بارىسىندا قوجا احمەت ياساۋي كەسەنەسٸنە ارنايى ات باسىن بۇرىپ, ورتاعاسىرلىق قۇدىقتى حالىق يگٸلٸگٸنە جاراتىپ, ٸسكە قوسۋ تۋرالى تاپسىرما بەرگەنٸ بەلگٸلٸ.وسىعان وراي, قۇدىق سۋىن تازارتۋ جۇمىستارى جٷرگٸزٸلٸپ, سۋدىڭ قۇرامى بارلىق تيٸستٸ ساراپتامالاردان ٶتٸپ تيٸستٸ قۇجاتتار دايىندالدى. قازاقستان رەسپۋبليكاسىنىڭ تەۋەلسٸزدٸك كٷنٸنە وراي اتالمىش قۇدىق قايتا ٸسكە قوسىلىپ, زييارات ەتۋشٸلەر تاريحي قۇدىقتان شٶلٸن سۋ ٸشەتٸن بولادى», - دەدٸ قورىق-مۋزەي ديرەكتورى نۇربولات احمەتجانوۆ.
قۇدىق اينالاسى دٶڭگەلەنە كٸرپٸشتەن قالانعان, ديامەترٸ-80 سم. بۇرىن سۋ 7-8 مەتر تەرەڭدٸكتەن شىعاتىن بولسا, ال قازٸر جەر استى سۋلارىنىڭ كٶتەرٸلۋٸنە بايلانىستى سۋ 5-6 مەتر تەرەڭدٸكتەن الىنادى.
