Ýaqytsha ustaý izoliatory men arnaiy jailardan 302 azamat bosatyldy. Bul týraly Májilistiń jalpy otyrysynda Qazaqstandaǵy Adam quqyqtary jónindegi ýákil Elvira Ázimova aitty, dep habarlaidy QazAqparat.
«Bizdiń ótinishterimizdi, týystary men advokattardyń ótinishterin eskere otyryp, prokýrorlyq tekseris nátijesinde ýaqytsha ustaý izoliatory men arnaiy jailardan 302 azamat bosatyldy. 11 azamatty qamaýǵa alýdan bas tartyldy. Buryn qamaýǵa alynǵan 200 azamatqa bultartpaý sharasy ózgertildi. Aýyr qylmys jasady dep aiyptalǵan kámeletke tolmaǵan 29 balanyń 28-i ata-analarynyń kepildigimen bosatyldy. Ókinishke qarai, qoldanystaǵy «Tótenshe jaǵdai týraly» Zańda aqparattyq jáne áleýmettik qyzmet jumysynyń naqty stsenariii qarastyrylmaǵan», - dedi ol qańtar oqiǵalaryna qatysty máseleler kóterilgen otyrysta.
Onyń atap ótýinshe, qańtar aiyndaǵy oqiǵalarǵa bailanysty azamattardan ustalǵan týystarynyń ustalý ornyn anyqtap berý týraly ótinishteri de kelip túsken.
