Foto ©Vladimir Prokopenko
Adam quqyqtary jónindegi ýákil Elvira Ázimova qańtar tragediiasyna qatysty kimderdiń aiyppulyn eskertýge aýystyrýǵa bolatynyn aitty, dep habarlaidy QazAqparat.
«Atyraýda, Almatyda, Shymkentte biz qala jáne oblys prokýratýralarynyń basshylyǵymen, azamattarmen kezdesýler ótkizdik. Arnaiy prokýrorlar ákimshilik ister boiynsha sot sheshimderine, ásirese, aiyppuldy eskertýge aýystyrý týraly narazylyq bildire bastady. Bul is júrgizý talaptaryn buza otyryp alynǵan dáleldemelerge de, qorǵaýshylardyń qoljetimdiliginiń qamtamasyz etilmeýine bailanysty taǵylǵan aiyptardyń negizdiligi týraly shaǵymdarǵa da qatysty», - dedi Adam quqyqtary jónindegi ýákil.
Sonymen birge, ol tergeýge alynǵan azamattardyń kóbi qomǵadyq qorǵaýshylardyń kómegine júginý múmkindiginen qaǵylǵanyn atap ótti.
«Sondai-aq, bul jaqyndarynyń, óz balalarynyń, ásirese, jastar arasynan qoǵamdyq qorǵaýshy mártebesin rásimdeý quqyǵyna da qatysty. Kóptegen adamdardyń mundai mártebege bailanysty týyndaityn quqyqtar men kepildikter týraly habary joq», - dedi Elvira Ázimova.
