Qazaqstandyq palýan Meiirjan Shermahanbet Qytaidyń Hanjchoý qalasynda ótip jatqan Aziia oiyndarynda grek-rim kúresinen kúmis júldege ie boldy, dep habarlaidy "Ult aqparat".
67 kelige deiingi salmaq dárejesinde beldesken qazaq sportshysy finalda japon Katsýaki Endomen kilemge shyǵyp, 4:3 esebimen jeńilip qaldy.
Beldesý barysynda Meiirjan meditsinalyq kómekke de júgindi.
Sondai-aq taǵy bir qazaqstandyq palýan Azat Sadyqov (77 kg) qola medaldi mise tutty. Onyń qarsylasy - kambodjadalyq Sophak Keo boz kilemge shyqpaǵandyqtan, jeńis Azatqa buiyrdy.
Al 60 kelige deiingi salmaqta saiysqa túsken otandasymyz Aidos Sultanǵali qola júlde úshin básekede soltústikkoreialyq Ri Se Ýnge 1:2 esebimen jol berdi.
Aita keteiik, bul - XIX jazǵy Aziia oiyndaryndaǵy Qazaqstan quramasynyń on birinshi kúmis medali.
