قازاقستاندىق پالۋان مەيٸرجان شەرماحانبەت قىتايدىڭ حانجچوۋ قالاسىندا ٶتٸپ جاتقان ازييا ويىندارىندا گرەك-ريم كٷرەسٸنەن كٷمٸس جٷلدەگە يە بولدى, دەپ حابارلايدى "ۇلت اقپارات".
67 كەلٸگە دەيٸنگٸ سالماق دەرەجەسٸندە بەلدەسكەن قازاق سپورتشىسى فينالدا جاپون كاتسۋاكي ەندومەن كٸلەمگە شىعىپ, 4:3 ەسەبٸمەن جەڭٸلٸپ قالدى.
بەلدەسۋ بارىسىندا مەيٸرجان مەديتسينالىق كٶمەككە دە جٷگٸندٸ.
سونداي-اق تاعى بٸر قازاقستاندىق پالۋان ازات سادىقوۆ (77 كگ) قولا مەدالدٸ مٸسە تۇتتى. ونىڭ قارسىلاسى - كامبودجادالىق سوپحاك كەو بوز كٸلەمگە شىقپاعاندىقتان, جەڭٸس ازاتقا بۇيىردى.
ال 60 كەلٸگە دەيٸنگٸ سالماقتا سايىسقا تٷسكەن وتانداسىمىز ايدوس سۇلتانعالي قولا جٷلدە ٷشٸن بەسەكەدە سولتٷستٸككورەيالىق ري سە ۋنگە 1:2 ەسەبٸمەن جول بەردٸ.
ايتا كەتەيٸك, بۇل - XIX جازعى ازييا ويىندارىنداعى قازاقستان قۇراماسىنىڭ ون بٸرٸنشٸ كٷمٸس مەدالٸ.
