Indoneziiada ótip jatqan Aziada oiyndarynda qazaqstandyq tennisshilerdiń aralas juby - Anna Danilina men Aleksandr Nedovesov «qola» medalge ie boldy, dep habarlaidy QazAqparat tilshisi.
Qazaqstandyq tennisshiler jartylai finalda Tailand eliniń sheberlerimen kezdesti. Tartysty ótken saiysta qarsylastaryna ese jibergen otandastarymyz «altyn» medalǵa talasý múmkindiginen aiyryldy. Osylaisha, tennisshilerimiz qola medaldi mise tutty.
Eske sala ketsek, búgin velosporttan jekelei synda qazaqstandyq Aleksei Lýtsenko jeńimpaz atanyp, úshinshi altyndy el qorjynyna salǵan bolatyn. Nátijesinde Qazaqstan quramasy Aziia oiyndaryndaǵy jalpy esepte Mońǵoliiany artqa syrǵytyp, 12-shi orynnan 11-shy orynǵa kóterildi. Dál qazirgi esep boiynsha Qazaqstan enshisinde 3 altyn, 7 kúmis, 21 qola medal bar.
