يندونەزييادا ٶتٸپ جاتقان ازيادا ويىندارىندا قازاقستاندىق تەننيسشٸلەردٸڭ ارالاس جۇبى - اننا دانيلينا مەن الەكساندر نەدوۆەسوۆ «قولا» مەدالگە يە بولدى, دەپ حابارلايدى قازاقپارات تٸلشٸسٸ.
قازاقستاندىق تەننيسشٸلەر جارتىلاي فينالدا تايلاند ەلٸنٸڭ شەبەرلەرٸمەن كەزدەستٸ. تارتىستى ٶتكەن سايىستا قارسىلاستارىنا ەسە جٸبەرگەن وتانداستارىمىز «التىن» مەدالعا تالاسۋ مٷمكٸندٸگٸنەن ايىرىلدى. وسىلايشا, تەننيسشٸلەرٸمٸز قولا مەدالدٸ مٸسە تۇتتى.
ەسكە سالا كەتسەك, بٷگٸن ۆەلوسپورتتان جەكەلەي سىندا قازاقستاندىق الەكسەي لۋتسەنكو جەڭٸمپاز اتانىپ, ٷشٸنشٸ التىندى ەل قورجىنىنا سالعان بولاتىن. نەتيجەسٸندە قازاقستان قۇراماسى ازييا ويىندارىنداعى جالپى ەسەپتە موڭعولييانى ارتقا سىرعىتىپ, 12-شٸ ورىننان 11-شى ورىنعا كٶتەرٸلدٸ. دەل قازٸرگٸ ەسەپ بويىنشا قازاقستان ەنشٸسٸندە 3 التىن, 7 كٷمٸس, 21 قولا مەدال بار.
