Shymkentte politsiia qyzmetkerleri bazar mańynda saýda jasap otyrǵan ájeidiń telefonyn alyp qoiǵan. Oqiǵanyń videosy áleýmettik jelilerde paida boldy, - dep habarlaidy Tengrinews.kz.
Oqiǵa 24 qazanda Shymkenttegi "Qyrǵy bazary" mańynda bolǵan. Videoǵa politseiler men ájeidi jaqtaǵan turǵyndar arasyndaǵy janjal túsirilgen. Turǵyndar ájeige belgilenbegen orynda saýda jasaǵany úshin aiyppul salmaq bolǵan politsiia qyzmetkerleriniń áreketine narazy.
"Búgin Shymkenttegi "Qyrǵy bazarynyń" kireberis jerinde 3-4 keli jańǵaq satyp otyrǵan ájege eki politsei kelip, zańsyz saýda jasaǵanyna aiyppul salmaqshy bolypty. Ájemiz politseilerden qorqyp qalǵan bolýy kerek, ulyna habarlaspaqshy bolǵanda telefonyn da alyp qoiǵan kórinedi", - delingen video sipattamasynda.
