شىمكەنتتە پوليتسييا قىزمەتكەرلەرٸ بازار ماڭىندا ساۋدا جاساپ وتىرعان ەجەيدٸڭ تەلەفونىن الىپ قويعان. وقيعانىڭ ۆيدەوسى ەلەۋمەتتٸك جەلٸلەردە پايدا بولدى, - دەپ حابارلايدى Tengrinews.kz.
وقيعا 24 قازاندا شىمكەنتتەگٸ "قىرعى بازارى" ماڭىندا بولعان. ۆيدەوعا پوليتسەيلەر مەن ەجەيدٸ جاقتاعان تۇرعىندار اراسىنداعى جانجال تٷسٸرٸلگەن. تۇرعىندار ەجەيگە بەلگٸلەنبەگەن ورىندا ساۋدا جاساعانى ٷشٸن ايىپپۇل سالماق بولعان پوليتسييا قىزمەتكەرلەرٸنٸڭ ەرەكەتٸنە نارازى.
"بٷگٸن شىمكەنتتەگٸ "قىرعى بازارىنىڭ" كٸرەبەرٸس جەرٸندە 3-4 كەلٸ جاڭعاق ساتىپ وتىرعان ەجەگە ەكٸ پوليتسەي كەلٸپ, زاڭسىز ساۋدا جاساعانىنا ايىپپۇل سالماقشى بولىپتى. ەجەمٸز پوليتسەيلەردەن قورقىپ قالعان بولۋى كەرەك, ۇلىنا حابارلاسپاقشى بولعاندا تەلەفونىن دا الىپ قويعان كٶرٸنەدٸ", - دەلٸنگەن ۆيدەو سيپاتتاماسىندا.
