Ońtústik Qazaqstan oblysynda joǵary synyp oqýshylary zorlady degen jeti jasar balanyń resmi ókili Qurmanǵazy Músir balany ájesimen birge Shymkent — Almaty baǵytyndaǵy poiyzdan túsirip alyp, OQO ishki ister departamentine jetkizgen politsiia qyzmetkerleriniń is-áreketine túsinikteme berdi, dep habarlaidy "Ult Aqparat" Sputniknews.kz-ke silteme jasap.
"Men, Qurmanǵazy Músir kámeletke tolmaǵan balanyń, onyń otbasy men ájesiniń resmi ókilimin. Almatyda táýelsiz sot-meditsinalyq saraptamadan ótýdi josparlaǵan edik, alaida IID bastyǵy Dálbekovtyń basqarýyndaǵy politsiia zardap shegýshilerdi (ájeidi balasymen – eskert.) erkinen tys IID ǵimaratyna jetkizip, olarǵa ózderine túsiniksiz qujattarǵa qol qoiýǵa májbúrledi. Meniń kámeletke tolmaǵan senim bildirýshimdi qaida jetkizgeni jaily jaq ashpai otyr", — dep habarlady Músir.
Al oblystyq IID qyzmetkerleri olardy poiyzdan balanyń qaýipsizdigi úshin túsirip aldyq dep otyr.
Politsiianyń málimetinshe, IID-ge otbasy, balalar men jastar isteri basqarmasynan zardap shegýshi balany onyń jeke qaýipsizdigin qamtamasyz etý úshin Kámeletke tolmaǵandardy beiimdeý ortalyǵyna ornalastyrý týraly ótinish túsken.
