Elimizdiń 12 óńirinde koronavirýspen aýyrǵandar sany 2,8 esege artyp otyr. Bul týraly Úkimet otyrysynda QR Densaýlyq saqtaý ministri Ajar Ǵiniiat aitty, dep habarlaidy QazAqparat.
«Sońǵy 2 aptada koronavirýs infektsiiasy aýrýy 12 óńirde 2,8 ese ósti. Bul rette sońǵy aptada aýrý Nur-Sultan qalasynda 9,9 ese, Shymkent qalasynda 3,7 ese, Almaty qalasynda 2 ese artty», - dedi Ajar Ǵiniiat.
Onyń atap ótýinshe, epidemiologiialyq jaǵdaidyń nasharlaýy koronavirýstyń «Omikron» túriniń anyqtalýyna tikelei bailanysty.
«Genetikalyq zertteýlerdiń nátijesi boiynsha qańtardyń basynda «Omikron» Almaty jáne Nur-Sultan qalalarynda anyqtaldy. «Omikronnyń» erekshelikteri – aýrý jyldam juǵady, qaita juqtyrý qaýpi joǵary. «Omikron» joǵarǵy tynys alý joldarynda «Deltaǵa» qaraǵanda 70 ese jyldam kóbeiedi. Aýrý jaǵdailary 2-3 kúnde eki ese ósedi. Bul aýrýdyń jyldam kóbeiýine ákeledi. Bul rette, aldyn ala aralyq zertteýler revaktsinatsiia aýrýdyń aýyr túrlerinen, aýrýhanaǵa jatqyzýdan jáne ólimnen 70 paiyzǵa deiin qorǵaitynyn kórsetedi», - dedi ministr.
