Densaýlyq saqtaý vitse-ministri Ajar Ǵiniiat Atyraý qalasyndaǵy modýldik statsionarda boldy, dep habarlaidy "Ult aqparat".
Búgin Atyraý oblysyna jumys sapary aiasynda Densaýlyq saqtaý vitse-ministri Ajar Ǵiniiat oblystyq aýrýhananyń juqpaly aýrýlar bóliminde boldy.
Modýldik statsionar 200 tósekke eseptelgen, biraq búgingi kúni infektsiialyq bólimshede 205 adam, onyń ishinde 105 júkti áiel em alyp jatyr.
Reanimatsiiada 25 patsient bar, onyń úsheýi – aýyr haldegi júkti áielder.
Aýrýhana 2020 jyly salynǵan.
Nysanda taza aimaqqa, qoljetimdiligi shekteýli aimaqqa (jartylai) jáne oqshaýlaý aimaǵyna bólý standarttary qoldanylady.
Qyzmetkerler men patsientterge arnalǵan dálizder kross-infektsiianyń aldyn alý úshin qatań rettelgen.
Modýldik infektsiialyq statsionardyń búkil palatalary ottegimen tolyq qamtamasyz etilip, árbir patsientke jetkizildi.
Aýrýhanada koronavirýs infektsiiasymen aýyratyn naýqastardy emdeýge arnalǵan barlyq qajetti jabdyqtar men dári-dármek bar.
Ajar Ǵiniiat óńirdegi jaǵdai kúrdeli ekenin atap ótip, covid-19-ǵa qarsy kúreste aldyńǵy qatarda júrgen dárigerlerge rizashylyǵyn bildirdi.
