Eni Ázerbaijan bileýshi partiiasy (EÁP) saiasi keńesiniń otyrysy barysynda partiia atynan sailanǵan parlamenttegi depýtattarǵa parlamentti taratý týraly bastamany kóterýge keńes berildi.
Bul týraly vitse-premer, basqarýshy partiianyń atqarýshy hatshysy – tóraǵa orynbasary Ali Ahmedov beisenbi kúni baspasóz máslihatynda aitty, – dep habarlaidy QazAqparat.
Sondai-aq, ol Saiasi keńeste el parlamentindegi reformalardyń jalǵasýyna qatysty máseleler talqylandy. Osy elde júrgizilip jatqan reformalar qoǵamdyq ómirdiń túrli salalaryn qamtidy. Atalǵan ózgeristerdiń maqsaty – respýblikany damytý, ekonomikany ártaraptandyrý, áleýmettik salany qarqyndy damytýdy qamtamasyz etý jáne azamattardyń ál-aýqatyn arttyrý.
Onyń aitýynsha, qazirgi tańda atqarýshy bilik pen sot-quqyq júiesinde reformalar júrip jatyr. Reformanyń tujyrymdamasy tolyqtai bir júiege engenshe, ózgertýler barlyq úsh tarmaqta júrgizilýi tiis. Partiia músheleri zań shyǵarýshy bilik shette qalyp qoimaýy kerek degen bailamǵa keldi.
Parlamentte EÁP úlesi basymyraq. Saiasi keńes depýtattyq korpýsqa memleket basshysyna parlamentti taratý týraly bastamany kóterýge keńes berdi.
