«TƏBIB» meditsinalyq óńirlik bólimshelerdi basqarý jónindegi birlestigi Ázerbaijanǵa jańa «Covid-19» shtamynyń ený múmkindigi bar ekenin habarlaidy, dep jazady "Ult aqparat". Osyǵan bailanysty «TƏBIB» jańa shtamnyń taralýyn boldyrmaý úshin vaktsinatsiia máselesine baiypty kózqaras qajet dep sanaidy.
Birlestik qyzmetkerleri vaktsinanyń aǵzadaǵy ekinshi dozasynan keiin osy virýsqa qarsy turý 60%-90% aralyǵynda artýy tiis ekenin, alaida vaktsina alǵandardyń bosańsymaýy qajet ekenin aitady. Óitkeni vaktsinany virýstan qorǵaý áseriniń uzaqtyǵy áli de anyq emes. Bul rette, «TƏBIB» baǵalaýy boiynsha, vaktsina adamdy 1-2 jylǵa qorǵaýy kerek.
Sonymen qatar vaktsina alǵannan keiin «Covid-19» qaita juqtyrý múmkindigi týraly, sondai-aq vaktsina koronavirýstan tolyq qorǵai ma degen suraqqa «TƏBIB» mynany málimdedi: «Vaktsina ekinshi doza engizilgennen keiin 2 aptadan keiin óz áserin kórsetedi. Sodan keiin ǵana qandaǵy antidenelerdiń bar-joǵyn anyqtaýǵa bolady, biraq bul fakt adamnyń immýnitetine bailanysty. Vaktsinalardy zertteý nátijeleri ártúrli.
Túrkiiadaǵy «CoronaVac» vaktsinasyn zertteý onyń tiimdiligi 92%-ǵa teń ekenin kórsetti, Braziliialyq zertteýler boiynsha vaktsina 100%-ǵa qorǵaidy».
Eske salaiyq, Ázerbaijanda 18 qańtarda halyqty jańa SARS-CoV-2 koronavirýsyna qarsy egý bastaldy. Meditsina qyzmetkerleri «Ázerbaijan Respýblikasynda COVID-19-ǵa qarsy 2021-2022 jyldarǵa arnalǵan vaktsinatsiia strategiiasyna» sáikes alǵashqy vaktsinany aldy. Ári qarai halyqtyń qalǵan bóligi egiledi.
18 jasqa tolmaǵan, júkti jáne allergiiasy bar adamdar ázirge egilmeidi. Vaktsina qytailyq «Sinovac» kompaniiasynyń «CoronaVac» vaktsinasyn qoldaný arqyly júzege asyrylady. Jalpy, ótken táýlikte ÁR-da koronavirýs juqtyrýdyń 147 jańa jaǵdaiy anyqtaldy, 236 adam emdeldi, 4 adam qaitys boldy. El boiynsha koronavirýs infektsiiasyn juqtyrýdyń 231 509 faktisi tirkeldi, búgingi kúni COVID-19 virýsyna 2 470 980 test ótkizildi.
