Ótken táýlikte Ázerbaijanda COVID-19 juqtyrýyń 946 jaǵdaiy anyqtaldy, dep habarlaidy "Ult aqparat" eldiń Úkimet janyndaǵy Jedel shtabqa silteme jasap.
Budan bólek, taǵy 228 adam emdelip shyqsa, aýrý juqtyrǵan 7 patsient kóz jumdy. Qazirgi ýaqytta Ázerbaijanda 49 959 adam koronavirýsqa shaldyqqan, olardyń 671-i qaitys bolǵan. 41 279 adam saýyǵyp shyqqan. 8 009 patsient em qabyldaýda. Pandemiia bastalǵaly respýblikada COVID-19 virýsynyń bar-joǵyn anyqtaityn 1 291 534 test (sońǵy táýlikte – 10 037) júrgizilgen.
Sondai-aq koronavirýs juqtyrýshylar sanynyń artýyn eskere otyryp, Baký qalasynyń biligi 24 jáne 25 qazan kúnderi el astanasy men qala mańyndaǵy 554 kóshe men dańǵylda dezinfektsiia jumystaryn júrgizdi. Dezinfektsiia jumystary aldaǵy ýaqytta Baký turǵyndarynyń qaýipsizdigi men densaýlyǵyn qamtamasyz etý sharalary aiasynda jalǵasady dep josparlanýda.
