Ázerbaijan Respýblikasynda COVİD-19 koronavirýs infektsiiasyn juqtyrǵan eki adam kóz jumdy. Bul týraly eldiń Ministrler kabineti janyndaǵy Jedel shtab málim etti, dep habarlaidy AZERTADJ agenttigi.
Jedel shtab habarlamasynda Ázerbaijan Respýblikasynyń 1931 jyly týǵan azamaty qant diabetimen aýyrǵany kórsetilgen. Al qaitys bolǵan ekinshi adam - 1956 jyly týǵan ÁR azamaty, júrektiń ishemiialyq aýrýymen, arteriialyq gipertenziiamen jáne qant diabetimen aýyrǵan.
Olardyń COVID-19-ǵa testileri oń nátije kórsetken. Naýqastardyń densaýlyǵyn turaqtandyrýǵa arnalǵan reanimatsiialyq sharalar nátije bermegen.
Qazirgi ýaqytta qaitys bolǵan patsientterdiń otbasy músheleri, sondai-aq olarmen bailanysta bolǵan adamdar anyqtalyp, karantinge alyndy.
