Ázerbaijanda karantin rejimininiń merzimi 1 jeltoqsanǵa deiin uzartyldy, dep habarlaidy "Ult aqparat" ÁZERTAJ agenttigine silteme jasap.
Koronavirýs infektsiiasy jańa túriniń (COVID-19) taralýyn jáne onyń yqtimal saldarynyń aldyn alý maqsatynda el aýmaǵynda Ázerbaijan respýblikasy Ministrler kabinetiniń qaýlysy negizinde airyqsha karantin rejiminiń merzimi 2020 jyldyń 1 jeltoqsany saǵat 06:00-ge deiin uzartyldy.
Operativti shtabtyń málimetinshe, sońǵy kúnderi Lánkáran qalasy, Jálilabad, Masalli aýdandarynda infektsiia juqtyrǵandar sany artqan. Osyǵan bailanysty 29 qazanda saǵat 00.00-de atalmysh qala men aýdandar aýmaǵyna kirip-shyǵýǵa tyiym salynady. Tek arnaiy jáne jedel qyzmetter men júk kólikterine ǵana ótýge ruqsat etiledi.
Tómende kórsetilgen kúnderi Baký, Sýmgaiyt, Gianja, Mingiachevir, Sheki, Shirvan, Lánkáran qalalarynda, Absheron, Geigel, Samýh, Sabirabad, Gýbin, Agstafin, Biliasývar, Hachmaz, Ismaillin, Gah, Zagatal, Jálilabad, Masalli aýdandarynda qoǵamdyq kólikterdiń júrisi toqtatylady:
31 qazanda saǵat 00.00-den 2 qarashada saǵat 06.00-ge deiin;
7 qarashada saǵat 00.00-den 9 qarashada saǵat 06.00-ge deiin;
14 qarashada saǵat 00.00-den 16 qarashada 06.00-ge deiin;
21 qarashada saǵat 00.00-den 23 qarashada 06.00-ge deiin;
28 qarashada saǵat 00.00-den 30 qarashada 06.00-ge deiin.
«Azamattardy COVID-19 virýsyna qarsy kúrestegi karantin talaptaryn qatań saqtaýǵa, meditsina maskasyn taǵý jáne basqa da qajetti meditsina-profilaktika quraldaryn qoldanýdy, qoǵamdyq oryndardy bógde adamdarmen barynsha az bailanysta bolýǵa shaqyramyz», delingen shtab habarlamasynda.
