Ázerbaijan Qorǵanys ministrligi Resei Qorǵanys ministrliginiń Ázerbaijan áskeri Qarabaqtaǵy burynǵy pozitsiiasyna shegindi degen málimdemesin joqqa shyǵardy, - dep habarlaidy Tengrinews.kz tilshisi haqqin.az saityna silteme jasap.
"Ázerbaijan Qorǵanys ministrligi Resei Federatsiiasy Qorǵanys ministrliginiń 2022 jylǵy 27 naýryzdaǵy málimdemesinde kórsetilgen tarmaqtar shyndyqqa sáikes kelmeitinin ókinishpen habarlaidy. Ázerbaijan Respýblikasynyń egemen aýmaǵy quramyna kiretin Farrýh aýyly men onyń mańyndaǵy Ázerbaijan áskeri pozitsiiasynda ózgerister joq", - dedi ministrliktiń baspasóz qyzmeti ókilderi.
"Bizdiń armiia jedel jaǵdaidy tolyq baqylaýda ustap otyr. Resei Qorǵanys ministrligi málimdemesindegi Ázerbaijan atysty toqtatý rejimin buzǵany týraly aqparat ta shyndyqqa janaspaityny jáne Ázerbaijan áskerileri arasynda jaraqat alý derekteri bolmaǵany aitylǵan.
Ázerbaijan aýmaǵynda Taýly Qarabaq dep atalatyn birde-bir ákimshilik-aýmaqtyq birlik joq ekenin taǵy bir ret eske salǵym keledi. Resei Qorǵanys ministrliginiń 26 jáne 27 naýryzdaǵy málimdemelerinde "Taýly Qarabaq" sózin qoldaný Ázerbaijan Respýblikasynyń aýmaqtyq tutastyǵyn qurmettemeý sanalady", - dep qosty Ázerbaijan áskeri vedomstvosy ókilderi.
Sonymen qatar Ázerbaijan tarapy Reseidiń málimdemelerin eki el prezidenti 2022 jylǵy 22 aqpanda qol qoiǵan odaqtastyq yntymaqtastyq týraly deklaratsiiaǵa qurmetsizdik kórsetýdiń kórinisi dep atady.
Sondai-aq Qorǵanys ministrligi Ázerbaijannyń Hodjaly aýdanynda Fýrýh degen aýyl joq ekenin málimdedi.
"Aýyldyń aty - Farrýh. Kelesi málimdemelerde aýyl ataýy durys kórsetiledi dep senemiz", - delingen habarlamada.
Jeksenbide keshke Resei Qorǵanys ministrligi "kelissózder nátijesinde Ázerbaijan tarapy Fýrýh eldi mekeni aýmaǵynan óz bólimshelerin shyǵarýdy júrgizdi" dep málimdedi.
