Ázerbaijan prezidenti Ilham Áliev pen Armeniia premer-ministri Nikol Pashinian Syrtqy ister ministrlerine bolashaq beibitshilik týraly shartty daiyndaýmen ainalysýdy tapsyrýǵa kelisti, dep habarlaidy QazAqparat Trend agenttigine silteme jasap.
Bul týraly Eýropalyq Odaq Keńesiniń prezidenti Sharl Misheldiń Ilham Áliev pen Nikolas Pashinianmen bolǵan úshjaqty kezdesýiniń qorytyndysy boiynsha málimdemesinde aityldy.
Eýropalyq Odaq Keńesiniń prezidenti Sharl Mishel Ońtústik Kavkaz aimaǵyndaǵy jaǵdaidy jáne EO-nyń eki elmen qarym-qatynasyn damytýdy talqylaý úshin Ázerbaijan Respýblikasynyń Prezidenti Ilham Áliev pen Armeniia Respýblikasynyń premer-Ministri Nikol Pashiniandy qabyldady. Charlz Mishel EO-nyń Armeniiamen jáne Ázerbaijanmen yntymaqtastyqty tereńdetýge, shielenisti eńserýde tyǵyz yntymaqtasýǵa jáne aimaqta turatyn barlyq turǵyndardyń igiligi úshin qaýipsiz, turaqty, beibit jáne gúldengen Ońtústik Kavkazdy qurýǵa kómektesetinin aitty.
Ol sonymen qatar senim men beibitshilik qatar ornaýy úshin eki jaqtyń gýmanitarlyq qimyldarynyń mańyzdylyǵyn atap ótti.
Armenpress agenttiginiń habarlaýynsha, kezdesýde 2020 jylǵy 9 qarashadaǵy, 2021 jylǵy 11 qańtardaǵy, 2021 jylǵy 26 qarashadaǵy úshjaqty málimdemeler sheńberinde, sondai-aq 14 jeltoqsandaǵy Briýsselde ótken úshjaqty kezdesý barysynda qol jetkizilgen ýaǵdalastyqtardy iske asyrý máseleleri talqylandy.
Kezdesý qorytyndysy boiynsha 2021 jylǵy 26 qarashada Sochide qol jetkizilgen Armeniia men Ázerbaijan arasyndaǵy shekarany delimitatsiialaý jónindegi ekijaqty komissiianyń ýaǵdalastyǵyna sáikes sáýir aiynyń sońyna deiin shekara boiyndaǵy qaýipsizdik pen turaqtylyqty qamtamasyz etý máselelerimen ainalysý týraly ýaǵdalastyqqa qol jetkizildi.
