"QazMunaiGaz" AQ basqarma tóraǵasynyń ekonomika jáne qarjy jónindegi orynbasary Dáýren Qarabaev Ázerbaijan arqyly qazaqstandyq munaidy tasymaldaý múmkindigin talqylaý memlekettik deńgeide júrgizilip jatqanyn aitty, - dep habarlaidy Tengrinews.kz agenttigi.
"Ázerbaijandyq tarappen qazaqstandyq munaidy tasymaldaý múmkindigi týraly kelissózder ártúrli deńgeilerde, sonyń ishinde memlekettik, ulttyq kompaniialar deńgeiinde júrgizilip jatyr. Kelisimge qol jetkizgen kezde tolyǵyraq habarlaimyz. Qazaqstandyq munai Ázerbaijannyń Baký - Tbilisi - Djeihan jáne Baký - Sýpsa qubyrlary arqyly tasymaldanýy múmkin", - dedi Qarabaev brifingte.
Ol kelissózder belsendi júrgizilip jatqanyn, biraq áli aiaqtalmaǵanyn atap ótti.
