Fotokollaj Azattyq Rýhy
Ázerbaijan kinematografister odaǵynyń hatshysy, eńbek sińirgen óner qairatkeri, rejisser jáne stsenarist Ziia Shihlinskii ulttyq qaharman Hokýma Alieva týraly jańa film túsirýge daiyndalyp jatyr, dep habarlaidy Azattyq Rýhy.
Qysqametrajdy derekti film 2024 jylǵy 25 jeltoqsanda Aqtaý qalasynda apatqa ushyraǵan «Baký–Groznyi» reisinde qyzmet atqarǵan stiýardessa Hokýma Alievanyń ómiri týraly bolmaq.
Derekti filmniń túsirilimi jaqyn arada bastalady degen jospar bar. Jobanyń kórkemdik jetekshisi Ázerbaijan kinematografister odaǵynyń tóraǵasy, Halyq ártisi Rasim Balaev, stsenarii avtory jáne rejisseri - Ziia Shihlinskii, operator – KOH basqarma múshesi, eńbek sińirgen óner qairatkeri Ádil Abbasov bolady.
Esterińizge sala keteiik, Ázerbaijan prezidenti Ilham Álievtiń 2024 jylǵy 29 jeltoqsandaǵy ókimimen Embraer 190 ushaǵyndaǵy qyzmettik mindetterin oryndaý jáne jolaýshylardyń ómirin qutqarý kezinde kórsetken joǵary kásibiligi, batyldyǵy men adaldyǵy úshin Hokýma Alievaǵa ulttyq batyr ataǵy taǵaiyndaldy. Hokýma Alievanyń erligi jaily osyǵan deiin jazǵan edik.
.jpg)
