«Aq jol» partiiasynyń kóshbasshysy Azat Perýashev is júzinde qoldaý tappaityn málimdemeler jasaýda, dedi belgili memleket qairatkeri Ermuhamet Ertisbaev Azzatyq Ruhy aqparattyq agenttigine bergen suhbatynda.
«Aqjol» partiiasynyń lideri Azat Perýashev partiianyń Májilistegi oryndarynyń jartysyna jýyǵyn alatyndyǵyn málimdegen bolatyn. Alaida partiialyq tizimdi qarap shyqtym, onda barlyǵy 38 familiia kórsetilgen. Bul degenimiz jartysyna da jaqyndamaidy degen sóz. Áleýmettik saýalnamaǵa súiensek, suralǵandardyń 5,2% ǵana Aqjoldyqtardy qoldaitynyn kórsetti. Iaǵni, Nur Otan-nyń basqa qarsylastarynyń múmkindikteri az. Degenmen, Májiliste 3-4 partiianyń ókildik etkenin qalar edim. Óitkeni Qazaqstanda saiasi pliýralizm bar. Buny joǵary zań shyǵarýshy jáne ókildi organdar usynýy kerek».
Onyń pikirinshe Nur Otan partiiasynyń praimerizi bileýshi partiianyń básekelesterin joiǵan. Sonymen qatar, ol Úkimettiń esebinde partiianyń júzege asyrǵan isterinde kórsetilgen sandarǵa kóńili tolǵanyn aitty.
«Nur Otan partiiasy – bul bilik partiiasy, árine, basqa eshqandai partiialarda naqty sandar men atqarylǵan jumystar aitylǵan Úkimettiń esebin tyńdaý múmkindigi joq. Osy 5 jyl ishinde Nurly Jol baǵdarlamasy boiynsha 2800 shaqyrym avtojol jáne 2 million 600 myń sharshy metrdi quraityn qoljetimdi baspana salyndy. Ekonomikadaǵy shaǵyn biznestiń úlesi 32%-ǵa jetti, halyqaralyq reiting boiynsha 25-shi orynǵa shyqty. Bular sońǵy 5 jylda iske asyryldy. Munyń bári qoljetimdi, kez-kelgen azamat internettegi úkimettiń veb-saityna kirip, osy esepti kóre alady Bul esepten keiin sailaýshylar partiianyń bar ekenine kóz jetkizdi. Basqa partiialar muny istei almaidy», - dedi memleket qairatkeri.
Sonymen qatar, Ertisbaev myrza partiia júieli jańǵyrýda qoiylǵan barlyq mindetterdi oryndaǵanyn atap ótti.
«Nur Otan qýatty halyqtyń portretin usyndy. Partiialyq tizimdegi áielderdiń úlesi 30%. Alǵa qoiylǵan mindetter tolyǵymen oryndaldy. Jastar sanynyń úlesi úsh jarym esege deiin ósti. Iaǵni, barlyq áleýmettik stratalar eskerilgen. Nur Otan úlken basymdyqpen alǵa jyljýda, olar márege de jetti, qalǵandary artta qaldy. Qazir osyndai jaǵdaidy kórip otyrmyz», - dedi Ertisbaev.
