Qazaqstanǵa erkin, myqty jáne ózine senimdi jastar qajet ekeni týraly Azat Perýashev Almaty qalasynda ótken jastarmen kezdesýde málimdedi. Sharaǵa partiianyń qalalyq filialynyń tóraǵasy Qýandyq Bisqultanov, Májilis depýtattyǵyna kandidattar: partiia tóraǵasynyń orynbasary Dmitrii Vasilev, "KBT Group" kompaniiasynyń bas direktory Azat Sembinov qatysty. Kezdesý "KBT Group" kompaniiasynda ótti.
Kásiporyn basshylyǵy kompaniia qoimasynda ekskýrsiia uiymdastyrdy, onda "aqjoldyqtar" kompaniianyń jobalarymen jáne jumys jaǵdailarymen tanysty.
Sailaýaldy úgit-nasihat naýqany aiasynda Azat Perýashev "KBT Group" jastar ujymyna "Túbegeili ózgerister qajet" sailaýaldy baǵdarlamasy týraly aityp berdi.
"Jastardyń erkin tańdaý jasaýlaryna múmkindik bolýy kerek. Oilardy erkin oilaý men tańdaýdan shekteý ótirik aitýǵa úiretýge jáne tulǵa retinde oǵan zorlyq-zombylyq jasaǵanmen teń. Mundai urpaǵy bar ult basqalardy aldaý men olarǵa baǵynýǵa májbúr bolady. Qazaqstanǵa erkin, myqty ári ózine senimdi jastar qajet.
Osydan bir ǵasyr buryn, alashtyń ardaqty aqyny Maǵjan Jumabaiuly "Men jastarǵa senemin" - dep jyrlap ketti. Al bizder, júz jyl ótken soń nelikten sol jastarǵa senbeimiz? Nelikten olardyń óz tańdaýyna kedergi jasaimyz? "Aq jol" demokratiialyq partiiasy jastardyń tańdaý erkindigi men adamdyq qadir-qasietin qorǵaýdy talap etedi", - dep atap ótti Perýashev.
"Aq jol" basshysy partiianyń jas qazaqstandyqtardy turǵyn úimen qamtamasyz etý jónindegi bastamalary týraly aitty. Oǵan jataqhanalar salý qajettiligi týraly jáne ár balanyń týylýymen ipotekany sýbsidiialaý boiynsha usynystar jatady.
"Aq jol" úgit-nasihat toby jas sailaýshylardy demokratiialyq partiianyń biznesti qoldaý boiynsha aǵymdaǵy jumysy men baǵdarlamalyq mindetteri týraly habardar etti.
"Pandemiianyń kesirinen týyndaǵan máselelerdi retke keltirý úshin "Aq jol" partiiasy salyq amnistiiasyn júrgizýdi, ShOB-ty tólem qabilettiligi tolyq qalpyna kelgenshe salyq tóleýden bosatýdy, mikrobiznes pen "ózin-ózi jumyspen qamtyǵan" halyqty salyqtan tolyq bosatýdy usyndy. Bul adamdarǵa ózderi jumys taýyp, eńbek etip júrgenderi, memleketke alashan jaiyp otyrmaǵany jáne óz otbasylaryn asyrap jatqandary úshin alǵys aitý kerek", - dep atap ótti Perýashev.
Sonymen qatar, ol partiianyń Ulttyq banktiń paiyzdyq mólsherlemesin 4-5%-ǵa deiin tómendetý, keiinnen EDB kreditteri boiynsha da paiyzdardy tómendetý jónindegi usynystary týraly eske saldy.
"Eldiń áleýmettik-ekonomikalyq jáne saiasi júielerine túbegeili ózgerister qajet", - deidi "aqjoldyqtar". Osylaishy partiia músheleri jastardy 2021 jyldyń 10 qańtarynda daýys berýge qatysýǵa shaqyrady.
"Aq joldyń" úgit-nasihat naýqany jalǵasýda, demokratiialyq partiia óziniń baǵdarlamalyq mindetterin júzege asyrý jáne sailaýshylardan kelip túsken ótinishter boiynsha jumysyn jalǵastyrýda.
