Áleýmettik jelide Almatydaǵy LA-155/18 mekemesiniń tergeý izoliatorynda ustalǵandardy azaptaityn jertóle bar ekendigi týraly aqparat taraýda. QR Ishki ister ministrligi bul málimettiń jalǵan ekenin aitýda, dep habarlaidy QazAqparat.
Onymen birge, tarap jatqan aqparatta Almaty qalasyndaǵy Qylmystyq-atqarý júiesi departamentine qaraityn LA-155/18 mekemesiniń bastyǵy A.Jumadievtiń derekteri qosa berilgen.
«Osyǵan bailanysty, Qylmystyq-atqaý júiesi mekemesiniń aýmaǵynda eki qabatty ákimshilik ǵimarat jáne 4-5 qabattan turatyn 6 rejimdik korpýs, arnaiy kontingentti ustaýǵa arnalǵan 230 kamera ornalasqanyn málimdeimiz.
Atalǵan rejimdik korpýstarda kommýnikatsiialyq júieler men jylytý toraptaryna arnalǵan jartylai jertóle úi-jailary bar. Bul úi-jailarǵa kiretin esik korpýstardyń syrt jaǵynda ornalasqan. Al mekemege túskender rejimdik Tergeý izoliatoryna kelgen adamdardyń bárin meditsina qyzmetkerleri, sondai-aq mekemeniń kezekshi aýysymy videoǵa túsire otyryp qabyldaidy.
Mekemege prokýratýra organdarynyń ókilderi, Adam quqyqtary jónindegi ýákil, sondai-aq qoǵamdyq baqylaý uiymynyń músheleri udaiy baryp turady. Qylmystyq-atqarý júiesiniń qyzmeti Adamnyń qadir-qasietin, ómiri men densaýlyǵynyń qaýipsizdigin, sottalǵandardyń jáne ózge de adamdardyń konstitýtsiialyq quqyqtary men bostandyqtaryn qorǵaýǵa baǵyttalǵan», - dep jazylǵan ministrliktiń resmi málimetinde.
Ishki ister ministrligi kórineý jalǵan aqparat taratý áreketine QR Qylmystyq kodeksiniń 274-baby boiynsha qylmystyq jaýapkershilik kózdelgenin eskertýde.
