IX Azamattyq forýmda millenialdardyń qoǵamdy ózgertýge áseri talqylandy, dep habarlaidy "Ult aqparat" Aqparat jáne qoǵamdyq damý ministrligine silteme jasap.
80-90-shy jyldardyń ortasynda týylǵan urpaq eresek jasqa kirdi. Taza demografiialyq faktorlar ony qoǵamnyń barlyq salalarynda burynǵy elitalardyń ornyna qoiady.
Millenialdar urpaǵy qoǵamnyń áleýmettik-ekonomikalyq jáne saiasi damýyn qalai ózgerte alady? Qoǵamda qandai áleýmettik-mádeni problemalar bar? Qandai múmkindikter ashylady jáne qandai kedergilerden ótý kerek? Bul máselelerdi prezidenttik kadrlyq rezerv músheleri IX Azamattyq forým aiasynda «Millenialdar jáne qoǵamnyń ózgerýi» taqyrybynda pikirtalas alańynda talqylady.
Prezidenttik kadrlyq rezerv múshesi Zýlfiia Súleimenova millenialdardyń urpaǵy shetelde oqyp, álemdegi jańa trendterdi meńgerip jatqanyn atap ótti. Endigi mindet - osy bilimdi elimizdiń igiligine paidalaný.
QR Ekologiia, geologiia jáne tabiǵi resýrstar ministrliginiń Klimattyq saiasat jáne jasyl tehnologiialar departamenti direktorynyń orynbasary Zýlfiia Súleimenova: «Biz bárimiz erekshelenemiz. Biz ártúrli nárselerge senemiz, ártúrli nárselerdi kóremiz, ártúrli nárselerdi qabyldaimyz. Menińshe, eger bizdiń urpaǵymyzdy, millenialdar urpaǵyn alsaq, jahandanýdyń alǵashqy býyny bolyp sanalamyz. Iaǵni, halyqaralyq ushýlar, kóshý boiynsha, biz búkil álemge qol jetkizdik. Meniń oiymsha, bizge halyqaralyq tájiribe beretin osy ozyq tájiribelerdi engizý qajet. Olardy azamattyq qoǵamǵa arnaý kerek», - dep atap ótti.
Sarapshylardyń pikirinshe, millenialdar urpaqtarynyń quramy ártúrli, olardyń qoǵamdaǵy ózgeristerge beiimdelýi de ártúrli.
Britandyq Keńestiń Qazaqstandaǵy bilim berý jáne áleýmettik baǵdarlamalarynyń jetekshisi Daniiar Muqitanovtyń pikirinshe, qazaqstandyqtardyń barlyq urpaqtary úshin otbasylyq dástúrler men qundylyqtar mańyzdy bolyp tabylady. Bul biriktirýshi faktor bolýy kerek.
Daniiar Muqitanov: «Qazaqstandyqtar úshin, qazaqtar úshin eń mańyzdysy - otbasy. Bul bizdiń kúsh-qýatymyz. Qazaqtarda «Árbir qazaq meniń qaitalanbas jalǵyzym» degen uran bar. Qazaq degende, keńirek aitsaq, elimizdiń barlyq azamattary, kez kelgen ult ókilderi. Eger biz qoǵamymyzdy osy sheńbermen biriktirsek, biz bárimiz birtutas, qazaqstandyq otbasy bolyp tabylamyz jáne bizdiń otbasymyz bai, tabysty bolýy úshin birge jumys isteimiz. Kez-kelgen otbasy siiaqty onda aiyrmashylyqtar bar, bireýdiń pikiri, basqanyń pikirine sai kelmeidi. Biraq biz áli de bir otbasymyz, soǵan sáikes biz soǵysa almaimyz, ant bere almaimyz, úiimizdi qirata almaimyz. Mine osyndai usynys - biriktirýshi ideia retinde» - dep óz oiyn túiindedi.
Esterińizge sala keteiik, búgin IX Azamattyq forýmnyń ekinshi kúni onlain rejiminde ótýde. Is-sharany QR Aqparat jáne qoǵamdyq damý ministrliginiń qoldaýymen Qazaqstannyń Azamattyq Aliansy uiymdastyrdy.
