Investitsiialar jáne damý ministri Jeńis Qasymbek Azamattyq aviatsiia komitetiniń basshysy Beken Seidahmettiń jumystan bosaǵanyn málimdedi, - dep habarlaidy kaz.tengrinews.kz tilshisi.
"Eki kúndei buryn óz erkimen jumystan bosatý týraly ótinish jazdy", - deidi ministr jýrnalisterge.
Eske salaiyq, sáýirdiń basynda bas kólik prokýratýrasy investitsiialar jáne damý ministri Jeńis Qasymbekke Azamattyq aviatsiia komitetiniń basshysy Beken Seidahmettiń óz qyzmetine qanshalyqty laiyqty ekenin qarastyrýdy suraǵan. Prokýratýra ókilderiniń sózinshe, bul jaǵdai keiingi ýaqytta jiilep ketken áýe oqiǵalaryna bailanysty bolǵan. Osyǵan bailanysty azamattyq aviatsiia qaýipsizdigin qamtamasyz etý salasyna saraptama jasaldy.
