QR Ádilet ministri Marat Beketaev azamattarǵa kómek kórsetý boiynsha Áleýmettik qor qurylatynyn aitty, dep habarlaidy "Ult aqparat".
«Osy máselede jaǵdaidy jaqsartýdyń qosymsha tetikteriniń biri retinde bólek qor quramyz. Biylǵy 21 qarashada Jeke sot oryndaýshylarynyń kezekten tys sezi ótti. Onda sot aktilerin oryndaýdyń tiimdiligin arttyrýdyń máselesi qaralyp, alimentti óndirý problemalary da nazardan tys qalmady. Sezd qorytyndysy boiynsha Áleýmettik qor qurý sheshimi qabyldandy», - dedi ministr Parlament Májilisindegi Úkimet saǵatynda.
Qordyń maqsaty – atqarýshy óndiris taraptary bolyp sanalatyn ári qiyn áleýmettik jáne qarjylyq jaǵdaidaǵy azamattarǵa kómek kórsetý.
«Qordyń biýdjetin múshelik jarna men erikti járdem esebinen Respýblikalyq palata músheleri qalyptastyrady. Sondyqtan qor qarjysy limittelgen. Qor jumysyn Palatanyń qamqorshylyq keńesi qadaǵalaidy», - dedi Marat Beketaev.
Budan buryn habarlanǵandai, Májilistegi Úkimet saǵatynda Marat Beketaev problemaly alimentter sany qanshalyqty qysqarǵanyn aitty.
