Osydan jarty jyl buryn qurylǵan «Azamattarǵa arnalǵan úkimet» memlekettik korporatsiiasynyń quzyreti sheńberinde servisti jetildirýge baǵyttalǵan qanatqaqty jobalar ázirlenip, olar iske asyryldy. Bul azamattar úshin memlekettik qyzmetterdi alýdaǵy ákimshilik kedergilerdi azaityp, rásimderdi kemitýdiń nátijesinde múmkin boldy. Osy jobalardy júzege asyrý, qyzmetterdi paidalanýshylardyń pikiri boiynsha, oń nátije berdi. Atalǵan memlekettik korporatsiia endi osy oń nátijelerdi qujat túrinde bekitý úshin ortalyq memlekettik organdardyń quqyqtyq aktilerine ózgerister engizýdi usynýda.
Korporatsiia jumysyn tiimdi uiymdastyrý nátijesinde sybailas jemqorlyq kórinisterin jedel anyqtaýǵa, quqyq buzýshylyqtardy der kezinde ashýǵa qol jetkizilip otyr. Qurylym aiasyndaǵy basty nátijelerdiń biri jerge jáne jyljymaityn múlikke qatysty jemqorlyqty ashý bolyp tabylady. Jalpy, biz jemqorlyqqa qarsy kúres jariialap otyrmyz. Osy kúreske belsene qatysatyndar da, sondai-aq, tasada qalyp qoiatyndar da bolýy ábden yqtimal.
Qazirgi tańda óńirlerde atalǵan máselege qatysty oryn alǵan jaǵdaidy zerdelep, baǵa berý óte mańyzdy. Osy oraida birinshi kezekte Aqmola, Almaty, Ońtústik Qazaqstan oblystaryndaǵy Jer kadastry jáne jyljymaityn múlikti tehnikalyq baqylaý departamentterin tekserý usynyldy. Ókinishke qarai, tekserý barysynda bizdiń qaýpimiz rastaldy. Osy oblystardy tekserýdiń nátijesinde júiede kóptegen osal tustardyń bar ekeni, al nieti teris qyzmetkerlerdiń osy olqylyqtardy qara bastarynyń qamy úshin ońtaily paidalanyp otyrǵany anyqtaldy.
Osy úsh óńirdi tekserý sharalary aldaǵy ýaqytta atqarar jumysymyzdyń aýqymyn keńeitip, mundai tekserýlerdi basqa da oblystarda júrgizýdiń qajettigin kórsetti. Sodan, 15 qyrkúiekten bastap barlyq oblystardaǵy atalǵan departamentterge tekserýler júrgizýdi qolǵa aldyq. Osy is-shara biylǵy jyldyń sońyna deiin jalǵaspaq.
Negizinde, málimetter bazasynyń árkelkiligine bailanysty jer telimderine qatysty qiyndyqtar bar. Bul jaǵdaidy sheshýdiń bir ǵana joly málimetterdiń biryńǵai respýblikalyq bazasyn qurý bolyp tabylady. Ortalyqtandyrylǵan esepke alý jazbalaryn berý men olardy paidalanýdy qatań baqylaýǵa alýdyń nátijesinde Aqmola oblysynda birqatar kemshilikterdiń beti ashyldy. Osy oblysta jumystan bosatylǵan qyzmetkerlerdiń memlekettik jer kadastry aqparattyq júiesine kirýine shekteý qoiylmaǵan. Shymkentte de óreskel kemshilikterdiń beti ashylyp, máseleniń anyq-qanyǵyna jetý isi tiisti oryndarǵa tapsyryldy.
Bir aita keter jait, bul tekserýlerdiń basty maqsaty – salanyń túitkildi tustaryn anyqtaý. Máseleler men onyń túp tamyry belgili bolǵanda ǵana kemshilikterdi joiýǵa múmkindik týady. Al bul túitkilderdi júieli túrde sheshý basqa másele.
Tekserý kezinde barlyq máselelerdi anyqtaý úshin keleshekte turaqty túrde jumys isteitin 8 (7172) 27-23-14 senim telefony ornatyldy. Osy telefon nómirine salaǵa qatysty departamentterdiń qyzmetterin paidalaný kezinde kezdesetin sybailas jemqorlyq pen basqa da zań buzýshylyq faktileri týraly habarlaýǵa bolady.
Biz bul kúreste oryn alǵan jaǵdaiǵa barynsha qatań baǵa berýge tyrystyq. Qazir memlekettik korporatsiia oryn alǵan keleńsiz jaǵdaiǵa bailanysty sybailas jemqorlyqqa qarsy kúres josparyn bekitti.
Jumysqa qabyldaýda sybailas jemqorlyq pen tamyr-tanystyqtyń jolyn kesý, kadr máselesin sheshý úderisine korporatsiia qyzmetkerleriniń yqpal etýine jol bermeý úshin biz barlyq kadr qyzmetin aýtsorsingke berýdi josparlap otyrmyz. Qyzmetkerlerge de, kandidattarǵa da qoiylar talaptyń naqty ólshemderi jasaldy. Qyzmetkerlerdi attestattaý, jumysqa qabyldaýdaǵy testileý, óndiristik kórsetkishterdiń jetistikteri kompaniianyń avtomattandyrylǵan júiesi arqyly júrgiziletin bolady. Bul jobany memlekettik-jeke áriptestik qaǵidasy boiynsha júzege asyrý josparlanýda.
Sybailas jemqorlyqtyń túp tamyryna balta shabý úshin bizge áli kóp eńbektenýge týra keledi. Qazirdiń ózinde memlekettik korporatsiianyń qazirgi jáne burynǵy qyzmetkerleriniń ústinen 10 qylmystyq is qozǵaldy. Olardyń kópshiligi 2011-2015 jyldary jiberilgen zań buzýshylyqtarǵa bailanysty. Aldaǵy ýaqytta da tekserý nátijeleri boiynsha qandai da bir zań buzýshylyqtar anyqtalyp jatsa, tiisti yqpal etý sharalaryn qoldanatyn bolamyz. Bizdiń qazirgi mindetimiz – korporatsiianyń barlyq qyzmetiniń ashyqtyǵyn qamtamasyz etý.
Sybailas jemqorlyqqa qarsy ashyq kúres júrgize otyryp, biz ózimizge qarsy aitylar syn-eskertpelerdiń bolatynyn da sezinip otyrmyz. Biraq, biz syndarly syni narazylyqtar men usynystar boiynsha baiypty jumys isteýge daiynbyz. Aitylar syn jumysymyzdyń tiimdiligin arttyrýǵa kómektesetinine senemiz.
Daniiar ERENShINOV,
«Azamattarǵa arnalǵan úkimet» memlekettik korporatsiiasy» kommertsiialyq emes AQ-tyń basqarma tóraǵasy
.jpeg)