«Azamattarǵa arnalǵan úkimet» basqarma tóraiymynyń jańa orynbasarlary taǵaiyndaldy, dep habarlaidy "Ult aqparat" memlekettik korporatsiia saityna silteme jasap.
QR Tsifrlyq damý, innovatsiialar jáne aeroǵarysh ónerkásibi ministriniń buiryǵymen «Azamattarǵa arnalǵan úkimet» memlekettik korporatsiiasy tóraiymynyń jańa orynbasarlary taǵaiyndaldy. Búgin memlekettik korporatsiianyń jańa laýazym ielerin ujymǵa vedomstvonyń vitse-ministri Abylaihan Ospanov tanystyrdy.
Atap aitqanda, «Azamattarǵa arnalǵan úkimet» memlekettik korporatsiiasy» KEAQ basqarma tóraiymynyń birinshi orynbasary bolyp Súienish Ábdildin taǵaiyndaldy. Al korporatsiianyń qarjy máselesine jaýap beretin tóraiym orynbasary retinde Nursultan Abahanov taǵaiyndaldy.
Súienish Ábdildin 2011 jyly Qazaqstan-Britan tehnikalyq ýniversitetin «Kompiýterlik tehnologiialar jáne baǵdarlamalyq qamtamasyz etý» mamandyǵy boiynsha bitirdi. 2014 jyly Ulybritaniiadaǵy Birmingem ýniversitetinde bilim alǵan, informatika magistri dárejesi bar.
Eńbek jolyn 2011 jyly «Ulttyq aqparattyq tehnologiialar» AQ-da jetekshi maman retinde bastaǵan. 2012-2013 jyldary «EPAM Qazaqstan» JShS-da biznes taldaýshy bolyp jumys istedi. 2014-2018 jyldar aralyǵynda «Qazposhta» AQ ár túrli laýazymdarda qyzmet etti. «Toolpar» JShS-niń basqarýshy seriktesi / bas direktory boldy. Azamattarǵa arnalǵan úkimetke taǵaiyndalǵanǵa deiin QR Tsifrlyq damý, innovatsiialar jáne aeroǵarysh ónerkásibi ministrliginiń keńesshisi qyzmetin atqardy.
Aqparattyq tehnologiialardy damytý, memlekettik qyzmetterdi biznes-protsesterdi avtomattandyrýda úlken tájiribesi bar.
Nursultan Abahanov 2004 jyly ál-Farabi atyndaǵy Qazaq memlekettik ýniversitetin «Álem ekonomikasy» mamandyǵy boiynsha bitirdi. 2009 jyly Halyqaralyq biznes akademiiasyn korporativti menedjment mamandyǵy boiynsha aiaqtady. Sonymen qatar Almatydaǵy ekonomika jáne quqyq institýtynda «Quqyqtaný» mamandyǵy boiynsha bilim aldy.
Eńbek jolyn 2005 jyly bank sektorynda bastap, onda 12 jyl eńbek etti. Jekemenshik jáne memlekettik basqarý (QR Ulttyq ekonomika ministrligi) salasynda tájiribesi bar. Sondai-aq «Saryarqa» ÁKK» AQ-da basshylyq laýazymda boldy. Memlekettik korporatsiiaǵa taǵaiyndalǵanǵa deiin ol «Qazaqstandyq memlekettik-jekeshelik seriktestik ortalyǵy» AQ-da jumys istedi.
