Foto: UQK
Ulttyq qaýipsizdik komiteti azamattardyń jeke derekterin zańsyz jinap, olardy aqshaǵa satýmen ainalysqan qylmystyq toptyń áreketin áshkerelegenin habarlady.
Vedomstvo málimetinshe, biyl naýryz aiynda Astana men Almaty qalalarynda azamattardyń derbes derekterin zańsyz jinaý jáne taratý shemasyna qatysy bar kúdiktiler tobynyń qyzmeti toqtatylǵan.
Tergeý barysynda anyqtalǵandai, qylmystyq top zańsyz jolmen alǵan aqparatty internet arqyly satyp kelgen. Bul derekterdiń satyp alýshylary arasynda mikroqarjy uiymdary, kollektorlyq kompaniialardyń keibir ókilderi jáne jeke tulǵalar bolǵan.
Tintý sharalary kezinde kompiýterlik tehnika, elektrondyq aqparat tasymaldaǵyshtar, iri kólemdegi aqsha qarajaty jáne ózge de zattai aiǵaqtar tárkilendi.
Qazirgi ýaqytta atalǵan derek boiynsha sotqa deiingi tergep-tekserý amaldary jalǵasýda.
