Memleket basshysy Qasym-Jomart Toqaev Qazaqstan halqyna Joldaýynda «Jańa Qazaqstandy» birge órkendetýge shaqyrdy, dep habarlaidy QazAqparat.
«Men azamattarymyzdyń erteń emes, búgin baqytty ómir súrgenin qalaimyn. Eń bastysy – elimizdiń egemendigi. Shyn máninde, biz úshin Qazaqstannyń Táýelsizdigi bárinen qymbat. Osy turaqsyz, qubylmaly álemde Qazaqstanymyz bizden basqa eshkimge kerek emes. Sondyqtan maǵan elimniń amandyǵy men jerimniń tutastyǵynan asqan eshbir qundylyq joq. Meni eń aldymen halqymnyń bolashaǵy qandai bolatyny tolǵandyrady. Qyzmetime túrli adamdardyń beretin baǵasynan góri memleketimizdi qorǵap qalý men úshin asa mańyzdy», - dedi Prezident.
Osy jolda Memleket basshysy jaýapkershiliktiń bárin moinyna alýǵa daiyn ekenin atap ótti.
«Babalar amanatyna adal bolyp, ony urpaqqa tabystaý – men úshin kieli paryz. Jańa Qazaqstan – jańarý men jańǵyrý joly, búgingi býynnyń bolashaq urpaqqa amanaty. Endeshe «Jańa Qazaqstandy» birge órkendeteiik, aǵaiyn. Qasterli Otanymyzdyń turyǵy myǵym, abyroiy biik bola bersin!», - dedi Toqaev.
