مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا «جاڭا قازاقستاندى» بٸرگە ٶركەندەتۋگە شاقىردى, دەپ حابارلايدى قازاقپارات.
«مەن ازاماتتارىمىزدىڭ ەرتەڭ ەمەس, بٷگٸن باقىتتى ٶمٸر سٷرگەنٸن قالايمىن. ەڭ باستىسى – ەلٸمٸزدٸڭ ەگەمەندٸگٸ. شىن مەنٸندە, بٸز ٷشٸن قازاقستاننىڭ تەۋەلسٸزدٸگٸ بەرٸنەن قىمبات. وسى تۇراقسىز, قۇبىلمالى ەلەمدە قازاقستانىمىز بٸزدەن باسقا ەشكٸمگە كەرەك ەمەس. سوندىقتان ماعان ەلٸمنٸڭ اماندىعى مەن جەرٸمنٸڭ تۇتاستىعىنان اسقان ەشبٸر قۇندىلىق جوق. مەنٸ ەڭ الدىمەن حالقىمنىڭ بولاشاعى قانداي بولاتىنى تولعاندىرادى. قىزمەتٸمە تٷرلٸ ادامداردىڭ بەرەتٸن باعاسىنان گٶرٸ مەملەكەتٸمٸزدٸ قورعاپ قالۋ مەن ٷشٸن اسا ماڭىزدى», - دەدٸ پرەزيدەنت.
وسى جولدا مەملەكەت باسشىسى جاۋاپكەرشٸلٸكتٸڭ بەرٸن موينىنا الۋعا دايىن ەكەنٸن اتاپ ٶتتٸ.
«بابالار اماناتىنا ادال بولىپ, ونى ۇرپاققا تابىستاۋ – مەن ٷشٸن كيەلٸ پارىز. جاڭا قازاقستان – جاڭارۋ مەن جاڭعىرۋ جولى, بٷگٸنگٸ بۋىننىڭ بولاشاق ۇرپاققا اماناتى. ەندەشە «جاڭا قازاقستاندى» بٸرگە ٶركەندەتەيٸك, اعايىن. قاستەرلٸ وتانىمىزدىڭ تۇرىعى مىعىم, ابىرويى بيٸك بولا بەرسٸن!», - دەدٸ توقاەۆ.
