Premer-Ministr Asqar Maminniń tóraǵalyǵymen ótken Úkimet otyrysynda eńbek jáne halyqty áleýmettik qorǵaý ministri Birjan Nurymbetov 2020 jylǵy qańtar-aqpan ailaryndaǵy eńbek naryǵyndaǵy ahýal týraly baiandap berdi, dep hadbarlaidy "Ult aqaparat" primeminister.kz saityna silteme jasap.
«Búgingi talqylanyp jatqan ahýal aiasynda Úkimet azamattardy áleýmetttik qamsyzdandyrý boiynsha barlyq áleýmettik mindettemelerin tolyq kólemde oryndaityn bolady. 2020 jylǵa memlekettik biýdjette 4 mln-nan astam áleýmettik tólemder alýshylarǵa 3 377 mlrd teńgege jýyq qarjy qarastyrylǵan», — dedi B. Nurymbetov.
Zeinetaqy men járdemaqy alýshylardyń satyp alý qabiletin saqtaý maqsatynda 2020 jylǵy 1 qańtarynan infliatsiia deńgeiin eskere otyryp barlyq áleýmettik tólemder 5%-ǵa ósti, onyń ishinde zeinetaqy mólsheri 7%-ǵa, iaǵni infliatsiiadan 2%-ǵa ilgerilep arttyryldy.
«Syrtqy naryqta qalyptasqan jaǵdaidy eskere otyryp, halyq úshin múmkin bolatyn saldaryn jeńildetý maqsatynda barlyq áleýmettik tólemderdiń mólsheri infliatsiia deńgeiine sáikestendiriletin bolady», — dedi ministr.
Onyń aitýynsha, qazirgi jaǵdailarda halyqty jumyspen qamtý boiynsha barlyq sharalar qabyldanady, onyń ishinde «Eńbek» memlekettik baǵdarlamasynyń áleýeti qosa alynǵan.
Aǵymdaǵy jyly jumyspen qamtý sharalarymen 735 myń adamdy qamtý josparlanyp otyr. Baǵdarlamada daǵdarysqa den qoiý boiynsha barlyq sharalar kózdelgen, olar: jumyssyzdardy, onyń ishinde qysqartylatyn jumyskerlerdi qosa, qaita oqytý, jeńildetilgen nesieler men mikro biznesti damytý úshin granttar berý, sýbsidiialanatyn jumys oryndaryna ornalastyrý.
Osy sharalardy iske asyrýǵa memlekettik biýdjetten aǵymdaǵy jylǵa 123 mlrd teńge kózdelgen
Eńbek naryǵyndaǵy turaqtylyqty qamtamasyz etý jáne jumyssyzdyq deńgeiiniń kúrt ósýine jol bermeý sharalaryn iske asyrý maqsatynda áleýmettik nysandardy jóndeý jáne eldi mekenderdi abattandyrý boiynsha infraqurylymdyq jobalardy iske asyrý jónindegi Jol kartasyn ázirleý josparlanǵan. Sonymen qatar, EHÁQM sýbsidiialanatyn ýaqytsha jumys oryndarymen qamtýdy keńeitýdi, jumystan bosaý múmkin jumyskerlerdiń kásiptik oqytýyn uiymdastyrýdy jáne mikrobiznesti damytýǵa arnalǵan granttar sanyn arttyrýdy kózdep otyr.
Jumyskerlerdiń eńbek quqyqtaryn qorǵaý jáne jumyspen qamtylý deńgeiin saqtaý maqsatynda, jumyskerlerdi jumystan bosatýdy josparlaǵan kásiporyndarǵa kúndelikti monitoring júrgizý kúsheitiletin bolady, ondai jumyskerlerdi jumysqa ornalastyrý sharalary qabyldanady.
Kásiporyndarmen ekonomika salalary arasynda jumyskerlerdiń basqarylatyn aǵyny boiynsha Jol kartalaryn, sondai-aq jumys oryndaryn saqtaý boiynsha memorandýmdar jasasý jumystary jalǵasa bermek.
Eldegi táýekel sheńberinde júrgen barlyq kásiporyndar, birinshi kezekte jalaqy bereshegine jol bermeý maqsatynda aldyn alý baqylaýymen qamtamasyz etiletin bolady.
«Múddeli ortalyq jáne jergilikti atqarýshy organdarmen, "Atameken" UKP-men birlesip, 2020 jylǵa josparlanyp otyrǵan 431 myń jańa jumys ornyn qurýdy qamtamasyz etý boiynsha júieli sharalar qabyldanady», — dep túiindedi B. Nurymbetov.
