پرەمەر-مينيستر اسقار ماميننٸڭ تٶراعالىعىمەن ٶتكەن ٷكٸمەت وتىرىسىندا ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ 2020 جىلعى قاڭتار-اقپان ايلارىنداعى ەڭبەك نارىعىنداعى احۋال تۋرالى بايانداپ بەردٸ, دەپ حادبارلايدى "ۇلت اقاپارات" primeminister.kz سايتىنا سٸلتەمە جاساپ.
«بٷگٸنگٸ تالقىلانىپ جاتقان احۋال اياسىندا ٷكٸمەت ازاماتتاردى ەلەۋمەتتتٸك قامسىزداندىرۋ بويىنشا بارلىق ەلەۋمەتتٸك مٸندەتتەمەلەرٸن تولىق كٶلەمدە ورىندايتىن بولادى. 2020 جىلعا مەملەكەتتٸك بيۋدجەتتە 4 ملن-نان استام ەلەۋمەتتٸك تٶلەمدەر الۋشىلارعا 3 377 ملرد تەڭگەگە جۋىق قارجى قاراستىرىلعان», — دەدٸ ب. نۇرىمبەتوۆ.
زەينەتاقى مەن جەردەماقى الۋشىلاردىڭ ساتىپ الۋ قابٸلەتٸن ساقتاۋ ماقساتىندا 2020 جىلعى 1 قاڭتارىنان ينفلياتسييا دەڭگەيٸن ەسكەرە وتىرىپ بارلىق ەلەۋمەتتٸك تٶلەمدەر 5%-عا ٶستٸ, ونىڭ ٸشٸندە زەينەتاقى مٶلشەرٸ 7%-عا, ياعني ينفلياتسييادان 2%-عا ٸلگەرٸلەپ ارتتىرىلدى.
«سىرتقى نارىقتا قالىپتاسقان جاعدايدى ەسكەرە وتىرىپ, حالىق ٷشٸن مٷمكٸن بولاتىن سالدارىن جەڭٸلدەتۋ ماقساتىندا بارلىق ەلەۋمەتتٸك تٶلەمدەردٸڭ مٶلشەرٸ ينفلياتسييا دەڭگەيٸنە سەيكەستەندٸرٸلەتٸن بولادى», — دەدٸ مينيستر.
ونىڭ ايتۋىنشا, قازٸرگٸ جاعدايلاردا حالىقتى جۇمىسپەن قامتۋ بويىنشا بارلىق شارالار قابىلدانادى, ونىڭ ٸشٸندە «ەڭبەك» مەملەكەتتٸك باعدارلاماسىنىڭ ەلەۋەتٸ قوسا الىنعان.
اعىمداعى جىلى جۇمىسپەن قامتۋ شارالارىمەن 735 مىڭ ادامدى قامتۋ جوسپارلانىپ وتىر. باعدارلامادا داعدارىسقا دەن قويۋ بويىنشا بارلىق شارالار كٶزدەلگەن, ولار: جۇمىسسىزداردى, ونىڭ ٸشٸندە قىسقارتىلاتىن جۇمىسكەرلەردٸ قوسا, قايتا وقىتۋ, جەڭٸلدەتٸلگەن نەسيەلەر مەن ميكرو بيزنەستٸ دامىتۋ ٷشٸن گرانتتار بەرۋ, سۋبسيدييالاناتىن جۇمىس ورىندارىنا ورنالاستىرۋ.
وسى شارالاردى ٸسكە اسىرۋعا مەملەكەتتٸك بيۋدجەتتەن اعىمداعى جىلعا 123 ملرد تەڭگە كٶزدەلگەن
ەڭبەك نارىعىنداعى تۇراقتىلىقتى قامتاماسىز ەتۋ جەنە جۇمىسسىزدىق دەڭگەيٸنٸڭ كٷرت ٶسۋٸنە جول بەرمەۋ شارالارىن ٸسكە اسىرۋ ماقساتىندا ەلەۋمەتتٸك نىسانداردى جٶندەۋ جەنە ەلدٸ مەكەندەردٸ اباتتاندىرۋ بويىنشا ينفراقۇرىلىمدىق جوبالاردى ٸسكە اسىرۋ جٶنٸندەگٸ جول كارتاسىن ەزٸرلەۋ جوسپارلانعان. سونىمەن قاتار, ەحەقم سۋبسيدييالاناتىن ۋاقىتشا جۇمىس ورىندارىمەن قامتۋدى كەڭەيتۋدٸ, جۇمىستان بوساۋ مٷمكٸن جۇمىسكەرلەردٸڭ كەسٸپتٸك وقىتۋىن ۇيىمداستىرۋدى جەنە ميكروبيزنەستٸ دامىتۋعا ارنالعان گرانتتار سانىن ارتتىرۋدى كٶزدەپ وتىر.
جۇمىسكەرلەردٸڭ ەڭبەك قۇقىقتارىن قورعاۋ جەنە جۇمىسپەن قامتىلۋ دەڭگەيٸن ساقتاۋ ماقساتىندا, جۇمىسكەرلەردٸ جۇمىستان بوساتۋدى جوسپارلاعان كەسٸپورىندارعا كٷندەلٸكتٸ مونيتورينگ جٷرگٸزۋ كٷشەيتٸلەتٸن بولادى, ونداي جۇمىسكەرلەردٸ جۇمىسقا ورنالاستىرۋ شارالارى قابىلدانادى.
كەسٸپورىندارمەن ەكونوميكا سالالارى اراسىندا جۇمىسكەرلەردٸڭ باسقارىلاتىن اعىنى بويىنشا جول كارتالارىن, سونداي-اق جۇمىس ورىندارىن ساقتاۋ بويىنشا مەموراندۋمدار جاساسۋ جۇمىستارى جالعاسا بەرمەك.
ەلدەگٸ تەۋەكەل شەڭبەرٸندە جٷرگەن بارلىق كەسٸپورىندار, بٸرٸنشٸ كەزەكتە جالاقى بەرەشەگٸنە جول بەرمەۋ ماقساتىندا الدىن الۋ باقىلاۋىمەن قامتاماسىز ەتٸلەتٸن بولادى.
«مٷددەلٸ ورتالىق جەنە جەرگٸلٸكتٸ اتقارۋشى ورگاندارمەن, "اتامەكەن" ۇكپ-مەن بٸرلەسٸپ, 2020 جىلعا جوسپارلانىپ وتىرعان 431 مىڭ جاڭا جۇمىس ورنىن قۇرۋدى قامتاماسىز ەتۋ بويىنشا جٷيەلٸ شارالار قابىلدانادى», — دەپ تٷيٸندەدٸ ب. نۇرىمبەتوۆ.
