QR Sanitarlyq-epidemiologiialyq baqylaý komitetiniń tóraǵasy Aijan Esmaǵambetova Qazaqstannyń óńirleri koronavirýs boiynsha «qyzyl» aimaqqa nelikten kóship jatqanyn túsindirdi, dep habarlaidy QazAqparat.
«Shynynda da, koronavirýs infektsiiasymen syrqattanýshylyq boiynsha epidemiologiialyq jaǵdai kúrt nasharlady. Sońǵy táýlikte 10 418 jaǵdai tirkelgen. Mundai kúndelikti aýrý bizde koronavirýs infektsiiasynyń kez-kelgen tolqynynda tirkelmegen bolatyn. Sonymen qatar, tirkelgen jaǵdailardyń 76%-y tórt óńirge tiesili: Nur-Sultan, Almaty, Qaraǵandy, Atyraý oblysy», - dedi Aijan Esmaǵambetova.
Ol aimaqtardyń «jasyl», «sary» aimaqtardan «qyzyl» aimaqqa tez aýysatynyn rastady. Aijan Esmaǵambetovanyń aitýynsha, búginde elimizdiń 11 óńiri «qyzyl» aimaqqa kirip otyr.
«Munyń bári, árine, omikron shtamynyń kúrt taralýyna bailanysty. Taǵy da qaitalap aitam, «omikron» óte juqpaly. Infektsiianyń juǵý koeffitsienti – 1:5. Iaǵni, bir adam bes adamǵa juqtyra alady. Bul jaǵdaida jaǵdailardyń sany eki kún saiyn eki ese artady. Qazir elimizde sondai ahýal bolyp jatyr. Tynys joldarynda «omikron» «deltaǵa» qaraǵanda áldeqaida juqpaly. «Omikron» shtamynyń virýsy «deltaǵa» qaraǵanda 70 ese tez kóbeiedi. Osy sipattamalardyń barlyǵy onyń juqpaly jáne taralý jyldamdyǵy joǵary ekenin kórsetedi», - dedi komitet basshysy.
Aijan Esmaǵambetova qazaqstandyqtardy epidemiologiialyq jaǵdaidyń nasharlaýyna bailanysty vaktsina alýǵa shaqyrdy.
«Búgingi tańda eń mańyzdy aldyn alý sharalarynyń biri vaktsina almaǵandar bolsa, tsiialanbaǵan bolsa, ekpe saldyrýǵa shaqyramyz. Al vaktsina alyp úlgergender alty ai ótken bolsa, úshinshi dozasyn alýǵa shaqyramyz. Aýrýdy azaitýǵa, infektsiianyń taralýyn azaitýǵa jáne eń bastysy densaýlyq pen ómirdi saqtaýǵa tek vatsinatsiia ǵana múmkindik beredi», - dedi ol.
