Foto: Golos Naroda
Prokýror Aijan Aimaǵanova QHA Analar forýmynda «Zań men Tártip: quqyqtyq tárbieni qalyptastyrýdaǵy otbasynyń róli» taqyrybynda sóz sóilep, quqyqtyq tárbie berý máselesin kóterdi, dep habarlaidy Ult.kz.
Aimaǵanova keiingi kezderi jastar arasynda zorlyq-zombylyq, vandalizm, buzaqylyq faktileri, balalarǵa qatysty qylmystardyń artqanyn aityp, otbasynda tárbie quldyrap bara jatqanyna nazar aýdartty.
«Zań men tártip printsipi tek memleket deńgeiinde beibitshilik pen turaqtylyqty qamtamasyz etip qana qoimai, qoǵamdaǵy úilesimdilikke, kúndelikti qarym-qatynasymyz ben bailanysymyzǵa da yqpal etedi.
Jumys barysynda jasóspirimder jasaǵan zań buzýshylyqtarǵa jii kýá bolamyn. Usaq buzaqylyqtan bastap, joldy belgilenbegen jerden kesip ótý sekildi zań buzýshylyqtardan bastap, saldary aýyr qylmystarǵa deiin kezdesedi.
Jasóspirimderdiń óz tájiribesiniń azdyǵy men bilmestiginen shekten shyǵyp, zańdy buzýy janǵa batady. Munyń bári tek zańdardy saqtaǵanda ǵana boldyrmaýǵa bolady», - deidi Aijan Aimaǵanova.
Prokýror balalarǵa zańnyń ústemdigi men qate áreketterdiń saldary týraly aityp, olardy qatelikterden qorǵaýymyz qajet dep esepteidi.
"Sonymen birge, biz ózimiz de balalarymyzǵa zańdy, tártipti jáne ádildikti qurmetteý úlgisi bolýymyz kerek. Zańdardy saqtai otyryp, biz olarǵa zańǵa baǵynýdyń qanshalyqty mańyzdy ekenin úiretemiz. Balalarǵa osy qaǵidalardy sińire otyryp, biz óz memleketimizdi nyǵaityp, ádiletti qoǵam quramyz", - dedi prokýror.
Aimaǵanova Analar keńesi aiasynda «Tártipti ózińnen basta!» qoǵamdyq aktsiiasyn bastaýǵa shaqyrdy. Onyń basty maqsaty – jastar arasynda quqyqtyq mádenietti qalyptastyrýǵa úndeý, quqyq buzýshylyqtar men tártipsizdiktiń aldyn alý, qoǵamda zań men tártip ústemdigin nasihattaý.
Sóz sońynda zań men tártipti basty qundylyq retinde ustanyp, memleketimizde ádilettilik pen turaqtylyqty biik qoiýǵa ár azamat, ár otbasy óz úlesin qosýǵa mindetti ekenin atap ótkim keledi", - dedi Aijan Aimaǵanova.
