Foto: Videodan skrinshot
Jetisý oblysynyń Balasaz aýylynda Aizat Jumanova azaptaý men aýyr soqqydan kóz jumǵan bolatyn. Qylmysqa marqumnyń kúieýi kúdikti retinde tanylyp otyr. Taldyqorǵan sotynda osy iske qatysty sot otyrysy jalǵasyp jatyr, dep habarlaidy Ult.kz.
Sot otyrysynda Taldyqorǵan aýrýhanasynan alynǵan video kórsetildi.
Jýrnalist Nazym Kúmispaevanyń instagram paraqshasynda jariialanǵan videoǵa qarasaq, Aizatty aýrýhanaǵa es-tússiz kúide arbaǵa otyrǵyzyp ákelgen.
#NeMolchiKZ qorynyń jazýynsha ony kúieýi Aibar Janbolat jáne týystary ózderi mashinamen jetkizdi.
"Olar jedel járdem shaqyrǵan joq, jolda toqtap, bir kólikten ekinshi kólikke aýysyp, keiin basqa aýyldaǵy aýrýhanaǵa bardy — osylaisha Taldyqorǵanǵa deiin 100 km-den astam jol júrdi. Aizat es-tússiz jaǵdaiynda boldy, biraq syryldap demalyp turǵan. Kómek shuǵyl qajet bolǵan kezde reanimatsiia kerek edi", - dep jazady qor.
Sonymen qatar #NeMolchiKZ qory basqalardy kelesi krinise nazar aýdarýǵa shaqyrady:
"Eger siz Aizattyń aiaqtaryndaǵy jaraqattaryn kórgen bolsańyz, ony súirep áketkendei dep oilaǵan shyǵarsyz — biraq bul videoda onyń shalbarlary taza. Ony qaita kiindirgen. Bul biz úshin aiqyn fakt.
Sonymen birge: ótken otyrysta (nege ekenin belgisiz) Aibardy ózin-ózi óltirýden qutqarýǵa kelgen jedel qyzmetókilderi siiaqtylar Aibar qaýipsizdik beldigine asylmaqshy bolǵan deidi. Bul qalai múmkin bolady. «Biz júgirip baryp, ony beldikten bosata bastadyq» — dedi jedel qyzmetker Álisher Týkýbaev.
Eske salaiyq, 32 jastaǵy Aizat Jumanova biyl shilde aiynda qaza tapqan bolatyn. Ony kúieýi Aibar Janbolat turmystyq janjal kezinde atqa bailap, súirep óltirdi degen kúdik bar.
