E-Salyq Azamat mobildi qosymshasynda aiyppuldy tekserý fýnktsiiasy paida boldy, dep habarlaidy QazAqparat.
E-Salyq Azamat mobildi qosymshasyn ázirleýshiler qoldanystaǵy qyzmetterge ákimshilik quqyq buzýshylyqtar úshin tólenbegen aiyppuldardy tekserý múmkindigin qosty.
Qosymsha arqyly aiyppul túrin jáne memlekettik kirister organynyń kodyn kórsete otyryp, «rekvizitter boiynsha tóleý» qyzmetinde júzege asyrý múmkin.
«Bul fýnktsiia qoljetimdi bolýy úshin AppStore nemese PlayMarket-te mobildi qosymshany jańartý qajet (mobildi qurylǵy modeline bailanysty)», - dep atap ótedi QR Qarjy ministrliginiń memlekettik kirister komitetinen.
Vedomstvo málimetinshe, e-Salyq Azamat mobildi qosymshasyn qoldanýshylar sany artyp kele jatyr. Qoldanýshylar sany 700 myń adamǵa jetti.
«Qazirgi kezdegi eń suranysqa ie qyzmet – jalpyǵa birdei deklaratsiialaýdyń birinshi kezeńinde deklaratsiiany tapsyrý qyzmeti. Búgingi tańda mobildi qosymshanyń kómegimen 308 405 qazaqstandyq deklaratsiia tapsyrdy» delingen komitet habarlamasynda.
E-Salyq Azamat tegin mobildi qosymshasyn App Store nemese Play Market-ten júkteýge bolady.
Avtorizatsiia ádisteri týraly aqparat mobildi qosymshada bar. Qosymshany paidalaný boiynsha qadamdyq nusqaýlar MKK YouTube kanalynda ornalastyrylǵan.
Tolyǵyraq aqparatty QR Qarjy ministrligi memlekettik kirister komitetiniń saitynan nemese «1414» telefony boiynsha alýǵa bolady.
