Foto: OAM
Rishad Galiev — Almaty qurylys-tehnikalyq kolledjiniń túlegi, onyń eńbek joly jumysshy mamandyqtary týraly stereotipterdi buzyp qana qoimai, mańdai termen adal eńbek tabýǵa yntalandyrady. Búginde ol eldegi eń joǵary jalaqy alatyn jas mamandardyń birine ainaldy. Rishad aiyna 800 myń teńge tabys tabady. Onyń eńbek joly — maqsatqa jetýdegi jigerli tabandylyqtyń jáne óz isine senýdiń jarqyn mysaly bola alady. Bul týraly Oqý-aǵartý ministrligi habarlady.
Rishad — WorldSkills Kazakhstan respýblikalyq kásibi sheberlik chempionatynyń birneshe dúrkin júldegeri. 2022 jyly ol álemdik chempionatqa elimizdiń atynan «Santehnika jáne jylytý» quzirettiligi boiynsha qatysty. Kolledjdiń ekinshi kýrsynda Rishad kolledjdiń jetekshi kompaniialarmen seriktestigi jáne dýaldy oqytý júiesi aiasynda qurylys alańdarynda taǵylymdamadan óte bastady. Osy tájiribe praktikalyq daǵdylar men mamandyqty is júzinde igerýge múmkindik berdi. Jaqyn arada ol GROHE halyqaralyq kompaniiasynan jumysqa ornalasýǵa usynys aldy.
Ol mamandyqty áýel basta ata-anasynyń keńesi boiynsha tańdady, keiin bul mamandyq onyń júrek qalaýyna ainalǵan.
«Men ózim oqyǵan kolledjge jáne ustazdaryma alǵys aitamyn — olar maǵan tek bilim ǵana berip qoimai, maman retinde ózime degen senimdilikti arttyrdy. Kolledjdiń kompaniiamen yntymaqtastyǵynyń arqasynda men eńbek tájiribemdi erte bastaýǵa múmkindik aldym jáne bul meniń ósý núkteme ainaldy. Men Jumysshy mamandyqtarynyń jyly úshin el Prezidentine erekshe rizamyn. Bul mańyzdy qadam, ol bizge jumysshy mamandyǵynyń iesi bolý — qurmetti, zamanaýi jáne suranysqa ie ekendigin dáleldeidi. Jumysshy mamandyqtary — bul bizdiń óz qolymyzben qalap jatqan bolashaǵymyzdyń irgetasy», — deidi kolledj túlegi.
Qazirgi tańda Almaty qurylys-tehnikalyq kolledjinde 1200-den astam stýdent oqidy. Olardyń 90%-ǵa jýyǵy alǵan mamandyqtary boiynsha jumysqa ornalasady. Dýaldy oqytý jáne jetekshi kásiporyndarmen belsendi yntymaqtastyqtyń arqasynda stýdentter 2-3-kýrstarda aqyly tájiribeden ótýge múmkindik alady. Bul kezeńde oqýshylardyń ortasha tabysy aiyna 300 myńnan 500 myń teńge aralyǵyn quraidy.
.jpeg)