Foto: Gov.kz
Qazan aiynda Qazaqstanda eń joǵary jalaqysy bar laýazymdar men eń suranysqa ie mamandyqtar anyqtaldy, dep habarlaidy Ult.kz Eńbek jáne halyqty áleýmettik qorǵaý ministrliginiń málimetine silteme jasap.
Enbek.kz elektrondyq eńbek birjasynda qazan aiynda 132 myń bos jumys orny men 114 myńnan astam túiindeme jariialanǵan.
Eń kóp suranysqa ie mamandyqtar:
tárbieshiler — 1,8 myń bos oryn;
býhgalterler — 1,1 myń;
matematika muǵalimderi — 1 myń.
Orta deńgeili mamandar arasynda qazandyq operatorlary (6,9 myń bos oryn), egin ósirýshiler (2,2 myń) jáne medbikeler (1,9 myń) erekshe suranysqa ie boldy.
Túiindeme jii berilgen mamandyqtar: býhgalter, zańger, tárbieshi, qazandyq operatory, medbike jáne avtokólik júrgizýshisi.
Eń joǵary jalaqy usynylǵan laýazymdar:
óndiris bastyǵynyń orynbasary — shamamen 1 mln teńge;
kompiýterlik oiyndar dizaineri — 990 myń teńge;
ombýdsmen — 990 myń teńge.
Al úmitkerlerdiń ózderi eń joǵary eńbekaqyny kelesi mamandyqtar boiynsha kútedi:
kommertsiialyq áýe laineriniń ushqyshy — 2,8 mln teńge;
órt sóndirý jónindegi kenshi — 2 mln teńge;
basqarma tóraǵasynyń orynbasary — 1,8 mln teńge.
Ministrlik málimetinshe, usynylǵan jáne kútiletin jalaqy arasyndaǵy aiyrmashylyq ásirese basqarýshylyq jáne tehnikalyq mamandyqtarda saqtalyp otyr.
Aimaqtar boiynsha belsendilik: eń kóp bos jumys orny Túrkistan oblysynda (12 myń), Astanada (11,4 myń) jáne Jambyl oblysynda (8,8 myń) tirkelgen. Al túiindemeler sany boiynsha kóshbasshylar — Túrkistan oblysy, Astana jáne Qyzylorda oblysy.
