Qazaqstan ulttyq quramasynyń shabýylshysy Abat Aiymbetov «Astana» klýbyna aýysty.
«Astana» fýtbol klýby málim etkendei, oiynshymen kelisimshartqa qol qoiyldy.
Abat Aiymbetov óziniń sporttyq jolyn «Aqtóbe» klýbynda bastap, 2013 jyly komanda sapynda Qazaqstan chempiony atandy. Sýperkýbokqa da ie boldy. Sondai-aq Eýropa ligasy irikteý kezeńderine qatysty.
2020 jyly almatylyq «Qairat» sapynda el chempionatynda altyn júldege qol jetkizip, úzdik surmergen ataǵyna qol jetkizdi. Abat biyl qysta Reseidiń FNL-ynda oinaityn Samaranyń «Krylia Sovetov» klýbyna aýysqan edi.
Shabýylshy Qazaqstan ulttyq quramasy sapynda 13 match ótkizip, 2 gol soqty.
Abat elordalyq komandanyń sapynda jazǵy transferge deiin jalǵa oinaidy.
Kelisimshartqa qol qoiǵannan keiin Aiymbetov ózine osyndai múmkindik bergen «Astana» klýbyna riza ekendigin, alańda baryn salatynyn jetkizdi.
