قازاقستان ۇلتتىق قۇراماسىنىڭ شابۋىلشىسى ابات ايىمبەتوۆ «استانا» كلۋبىنا اۋىستى.
«استانا» فۋتبول كلۋبى مەلٸم ەتكەندەي, ويىنشىمەن كەلٸسٸمشارتقا قول قويىلدى.
ابات ايىمبەتوۆ ٶزٸنٸڭ سپورتتىق جولىن «اقتٶبە» كلۋبىندا باستاپ, 2013 جىلى كوماندا ساپىندا قازاقستان چەمپيونى اتاندى. سۋپەركۋبوكقا دا يە بولدى. سونداي-اق ەۋروپا ليگاسى ٸرٸكتەۋ كەزەڭدەرٸنە قاتىستى.
2020 جىلى الماتىلىق «قايرات» ساپىندا ەل چەمپيوناتىندا التىن جٷلدەگە قول جەتكٸزٸپ, ٷزدٸك سۇرمەرگەن اتاعىنا قول جەتكٸزدٸ. ابات بيىل قىستا رەسەيدٸڭ فنل-ىندا وينايتىن سامارانىڭ «كرىليا سوۆەتوۆ» كلۋبىنا اۋىسقان ەدٸ.
شابۋىلشى قازاقستان ۇلتتىق قۇراماسى ساپىندا 13 ماتچ ٶتكٸزٸپ, 2 گول سوقتى.
ابات ەلوردالىق كوماندانىڭ ساپىندا جازعى ترانسفەرگە دەيٸن جالعا وينايدى.
كەلٸسٸمشارتقا قول قويعاننان كەيٸن ايىمبەتوۆ ٶزٸنە وسىنداي مٷمكٸندٸك بەرگەن «استانا» كلۋبىنا ريزا ەكەندٸگٸن, الاڭدا بارىن سالاتىنىن جەتكٸزدٸ.
