«Jas ǵalym» jobasy aiasynda 1000 jam mamanǵa beriletin grant úshin 3 mlrd teńge bólinetin boldy, dep habarlaidy "Ult aqparat".
Bul týraly Prezidenttiń baspasóz hatshysy Berik Ýáli Facebook paraqshasynda jazdy.
Memleket basshysy Qasym-Jomart Toqaev 2020 jyly «Jańa jaǵdaidaǵy Qazaqstan: is-qimyl kezeńi» atty Joldaýynda ǵylym salasyn damytý boiynsha naqty tapsyrmalar bergen bolatyn.
«Úkimetke jyl saiyn álemniń jetekshi ǵylymi ortalyqtarynda 500 ǵalymnyń taǵylymdamadan ótýin qamtamasyz etýdi, sondai-aq, «Jas ǵalym» jobasy aiasynda zertteý júrgizý úshin 1000 grant bólýdi tapsyramyn», - degen bolatyn Prezident.
Berik Ýálidiń deregi boiynsha, búginde atalǵan eki tapsyrma da oryndalyp otyr.
«Álemniń jetekshi ǵylymi ortalyqtarynda taǵlymdamadan ótý úshin ǵalymdarǵa bólingen 500 grantty, sondai-aq, «Jas ǵalym» jobasy boiynsha jas ǵalymdarǵa arnalǵan 1000 grantty qarjylandyrý mehanizmderi anyqtaldy. Ǵalymdarǵa taǵlymdamadan ótýge bólingen 500 grantty qarjylandyrý úshin 1,35 mlrd teńge kóleminde biýdjettik ótinim qabyldandy», - dep jazylǵan Prezidenttiń baspasóz hatshysy usynǵan málimette.
Sondai-aq, taǵlymdamadan ótý erejeleri pysyqtalyp, úmitkerlerdi irikteýdiń talaptary ázirleni, taǵylmdamadan ótkisi keletin 1000 jas ǵalymnyń málimetter qory jasaqtalǵany da aitylǵan
Al «Jas ǵalym» jobasy aiasynda baiqaýdy qarjylandyrýǵa 3 mlrd teńge bólý maquldanǵan.
