Elimizde engizilgen karantin rejimine orai biylǵy Qurban ait merekesinde Elorda ókildigi boiynsha «Qurban aitta qýandyr!» jobasy iske qosyldy, dep habarlaidy "Ult aqparat" Qazaqstan musylmandary dini basqarmasynyń (QMDB) resmi saityna silteme jasap.
Joba aiasynda arnaiy meshit anyqtamalyǵy iske qosylyp, soiǵan qurbandyǵynyń etin qulshylyq ordasyna ákelip bergisi kelgen jandarǵa QMDB «Zeket» qoryna qurbandyq etin alýǵa ótinish bildirgen otbasylar mekenjaiy usynylyp otyrmaq. Qulshylyq ordalarynda ait kúnderi et qabyldaý sharasy júrgizilmeidi.
«Isi musylmannyń ulyq merekesinde baýyryńyzǵa qarailasyp, qurbandyq etimen bóliskińiz kelse, óz qolyńyzben tabystap, etene tanysa túsýińizge taptyrmas múmkindik. Ol úshin meshit anyqtamalyǵynan bir otbasynyń mekenjaiyn alyp, aitpen quttyqtap baryńyz! Tek qaýipsizdik jáne saqtyq sharalaryn qatań saqtaýdy eskertemiz!»,-delingen aqparatta.
Aita keteiik, Qazaqstan musylmandary dini basqarmasy biylǵy jaǵdaiǵa bailanysty qaýipti indetti aldyn alý maqsatynda QURBAN2020.KZ saityn iske qosqan bolatyn. Qazirgi kezde atalmysh saittyń resmi málimetine súiensek, Nur-Sultan qalasy boiynsha qurbandyq etin alýǵa ótinish bildirgender sany 4 myńnan asqan.
Meshit anyqtamalyǵy: 8 7172 422 455, 8 777 957 28 34
Janat – «Áziret Sultan» meshitiniń ustazy
