Elordanyń sol jaǵalaýyndaǵy turǵyn úi keshenderiniń birinde órt boldy, dep habarlaidy "Ult aqparat" QR IIM TJK silteme jasap.
«2 mamyrda saǵat 21:52-de Nur-Sultan qalasynyń «101» pýltine Máńgilik El dańǵylyndaǵy «Aisanam» TK órt shyqqany týraly habar túsken. Órt segizinshi qabattaǵy páterdiń balkonynan shyqqan jáne órt sóndirýshiler kelgen kezde jalyn toǵyzynshy qabatqa tarai bastaǵan», - delingen habarlamada.
Órt sóndirýshilerdiń shuǵyl áreketteriniń arqasynda saǵat 22:10-de 35 sharshy metrdi sharpyǵan jalyn aýyzdyqtaldy. Zardap shekkender joq. Órt sóndirýge astanalyq TJD jeke quramynan 25 adam jáne 5 órt sóndirý tehnikasy jumyldyrylǵan.
Órt sóndirý barysynda gazdan jáne tútinnen qorǵaý qyzmeti bólimderi baspaldaq arqyly 2 adamdy qutqardy. Sondai-aq 45 adam evakýatsiialandy.
