Ulttyq bank 12 maýsymynan bastap 2006 jyly jáne odan keiingi jyldary shyqqan banknottardy merzimsiz aiyrbastaý kezeńi kúshine engenin eske salady, dep habarlaidy "Ult aqparat".
«Ainalymnan alynǵan 2006 jylǵy úlgidegi nominaly 500, 1 000, 2 000, 5 000 jáne 10 000 teńgelik banknottardy Ulttyq banktiń barlyq filialynda sheksiz merzimde qoldanystaǵy aqshaǵa aiyrbastap alýǵa bolady», delingen habarlamada.
Jańa banknot shyqqan jaǵdaida, eski úlgisi 12 ai boiy qoldanysta qatar júredi. Bir jyl boiy eski banknot ta, jańa banknot ta zańdy tólem quraly bolyp sanalady jáne olardy barlyq tólem túri boiynsha qabyldaýǵa mindetti.
«Qandai da bir banknot ainalymnan shyqqan jaǵdaida 3 jyl ishinde ony Ulttyq banktiń filialdarynan da, ekinshi deńgeili bankterdiń bólimsheleri men «Qazposhta» keńselerinen de aiyrbastap alýǵa bolady. Filialdardyń meken-jaiy men bailanys nómirleri saittan qaraýǵa bolady.
